بھارتی ریاست بہار میں آئل چوری کے نت نئے طریقے سامنے آنے لگے۔ چور بلاخوف و خطر سرِعام آئل لوٹنے کے لیے اپنے اہداف کو نشانہ بنانے لگے۔
میڈیا رپورٹس کے مطابق بہار کی سڑکوں سے لے کر بڑے بڑے اپارٹمنٹس اور ٹاور سے لے کر ذخائر تک آئل چور آئل پر ہاتھ صاف کر رہے ہیں۔
چوری ایک ایسی ہی دل دہلا دینے والی ویڈیو سامنے آئی ہے جس میں چلتی ٹرین سے آئل نکالا جارہا ہے۔
Bihar: Thieves steal oil from moving train in Bihta to close out 2022 on a high. pic.twitter.com/eKBPSp5HPR
— KK (@krishnakakani08) December 4, 2022
ویڈیو میں دیکھا جاسکتا ہے کہ چوری ہاتھوں میں بالٹیاں تھامے ٹرین ٹنکر سے آئل نکال رہے ہیں۔ چلتی ٹرین کے ساتھ ساتھ لوگ بالٹیاں تھامے الگ الگ ٹنکر سے چلتے چلتے آئل نکال رہے ہیں۔
آئل ٹرین ہندوستان پیٹرولیم کارپوریشن لمیٹڈ (HPCL) کے آئل ڈپو کی طرف جا رہی تھی جب چور نے اسے منزل تک پہنچنے سے پہلے ہی نشانہ بنایا۔
عینی شاہدین نے میڈیا کو بتایا کہ ٹرین سے آئل چوری کے واقعات پہلے بھی پیش آچکے ہیں اور لوگ آئل کی خاطر اپنی جانیں داؤ پر لگا رہے ہیں۔
