سوشل میڈیا پر موٹر سائیکل پر کرتب دکھانے والے نوجوانوں کی ویڈیوز اکثر منظر عام پر آتی ہیں جس میں موٹر سائیکل سوار اس دوران خطرناک حادثات کا شکار ہوجاتے ہیں۔
ایسی ہی ایک ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ ایک شخص نے موٹر سائیکل پر خطرناک اسٹنٹ دکھانے کی کوشش کی اور وہ موٹر سائیکل پر قابو نہ رکھ سکا اور سیدھا ٹینکر سے جا ٹکرایا۔
ویڈیو موٹر سائیکل کے پیچھے موجود کار کے ڈیش بورڈ کیمرے میں محفوظ ہوگئی۔
ویڈیو میں دکھایا گیا ہے کہ نوجوان نے ون ویلنگ کرنے کی کوشش کی اور وہ تھوڑی دورہی گیا تھا کہ اس دوران موٹر سائیکل سامنے سے آنے والا ٹینکر سے جا ٹکرائی اور تباہ ہوگئی۔
#BeSafe💐
ऐसा मत करना😢😢😢😢Hero की Heropanti nikal gayi 😢😢😢@ipskabra @arunbothra @ipsvijrk pic.twitter.com/fHZ2mo7Rgb
— Rupin Sharma IPS (@rupin1992) October 27, 2021
مذکورہ ویڈیو کو بھارتی آئی پی ایس افسر روپن شرما کی جانب سے سماجی رابطے کی ویب سائٹ ٹویٹر پر شیئر کیا گیا انہوں نے لکھا کہ ’ہیرو کی ہیہرو پنتی نکل گئی، موٹر سائیکل پر اسٹنٹ نہ دکھائیں اور محفوظ رہیں۔‘
ویڈیو سوشل میڈیا پر تیزی سے وائرل ہورہی ہے اور صارفین موٹر سائیکل سوار پر کڑی تنقید کررہے ہیں، تاہم یہ واضح نہیں ہوسکا کہ حادثے میں نوجوان کو کوئی نقصان پہنچا ہے یا نہیں۔
