دل جوان ہونا چاہیے، عمرمیں کیا رکھا ہے: بلال قریشی -
The news is by your side.

Advertisement

دل جوان ہونا چاہیے، عمرمیں کیا رکھا ہے: بلال قریشی

اداکار بلال قریشی کا خصوصی ٹی وی انٹرویو دیکھئے

معروف اداکار بلال قریشی کا ماننا ہے کہ زندگی کے ہر لمحے سے لطف اندوز ہوناچاہیے ، وہ اپنےمداحوں سے ملنے اور محبتیں بانٹنےپر یقین رکھتے ہیں۔

اے آروائی نیوز کے پروگرام ’ہمارے مہمان‘ میں معروف اداکار بلال قریشی کا کہنا ہے کہ ان کے والد نے انہیں قناعت سکھائی ہے لہذا انہیں زندگی میں کسی چیز کی کمی محسوس نہیں ہوتی، وہ ہرحال میں زندگی کا لطف اٹھاتے ہیں۔

ان کا کہنا تھا کہ زندگی کو ہر لمحہ مثبت انداز میں گزارنا چاہیے ، یہی چیز آپ کو ہمیشہ جوان رکھتی ہے۔ ایک سوال کے جواب میں بلال قریشی کا کہنا تھا کہ دل جوان ہونا چاہیے، عمر میں کیا رکھا ہے،انہیں اپنی عمر سے دس سال کے رول اسی سبب ملتے ہیں۔

بلال قریشی کا تعلق لاہور سے ہے اور وہ 9 فروری 1979 کوسعودی عرب میں پیدا ہوئے تھے۔14 فروری 2015 کو انہوں نے معروف ٹی وی آرٹسٹ عروسہ سے شادی کی اور اس خوبصورت جوڑے کا ایک بیٹا ہے۔ عروسہ سے ان کی ملاقات 2012 میں ایک شوٹ کےد وران ہوئی تھی ۔ اس اداکار جوڑی کا سب سے سپر ہٹ ڈرامہ ’ موہے پیا رنگ لاگا ‘ ہے جسے شائقین نے بے حد پسند کیا تھا۔

انہوں نے اپنے ادکاری کے کیرئر کا آغاز ٹیلی فلم ننھا سا دل سے کیا اور اب تک متعدد ٹی وی ڈراموں اور کمرشلز میں کام کرچکے ہیں۔ ان کی چار بہنیں اور دو بھائی ہیں۔ اپنے بچپن کےبارے میں بات کرتے ہوئے بلال قریشی کا کہنا تھا کہ انہوں نے اپنی والدہ سے بہت مار کھائی ہے ، یہاں تک کہ جب وہ نویں جماعت میں تھے تب بھی ان کی والدہ نے نہ نہانے پر ان کو پائپ سے مارا تھا۔ انہوں نے یہ بھی کہا کہ آج وہ جہاں ہیں اس میں مرکزی کردار ان کی والدہ کی تربیت کا ہے۔

بلال قریشی نے بتایا کہ ان کی اور ان کی اہلیہ کی پسند بالکل مختلف ہے ، لہذا ان کے لیے بہت مشکل ہے کہ اپنی اہلیہ کے لیے کوئی شاپنگ کرسکیں۔ ابھی وہ شاپنگ کررہی رہے تھے کہ انہیں ایسا سرپرائز ملا جس کے بارے میں وہ سوچ بھی نہیں سکتے تھے۔ وہ سرپرائز کیا تھا کہ یہ جاننے کے لیے پروگرام دیکھئے

اور ایسے ہی مزید دل چسپ انکشافات کے لیے دیکھیں مکمل شو ’ہمارے مہمان‘۔

Comments

comments

یہ بھی پڑھیں