site
stats
پاکستان

سندھ اور پنجاب کیلئے نیب کا پیمانہ مختلف ہے، بلاول بھٹو زرداری

لاہور : پاکستان پیپلزپارٹی کے چیئرمین بلاول بھٹو زرداری نے کہا ہے کہ سندھ اور پنجاب میں احتساب کیلئے نیب کا پیمانہ مختلف ہے، پیپلز پارٹی نون لیگ کی طرح عدلیہ کے ساتھ بھی معاملات طے نہیں کر سکی۔

لاہور میں سنیئر پارٹی رہنماء اعتزاز احسن کی عیادت کے دوران گفتگو کرتے ہوئےبلاول بھٹو زرداری نے کہا کہ سندھ اور پنجاب میں احتساب کیلئے نیب کا پیمانہ مختلف ہے۔

پنجاب کی میٹرو بس اور اورنج لائن ٹرین کا کوئی احتساب نہیں کیا گیا جبکہ سندھ میں سخت احتساب جاری ہے۔ انہوں نے کہا کہ نقاب پوشوں نے سندھ بلڈنگ کنٹرول اتھارٹی کے دفتر سے فائلیں اٹھائیں۔

ان کہاکہنا تھا کہ اگر یہی صورتحال ایل ڈی اے کے دفتر میں پیش آتی تو وزیراعلٰیٰ پنجاب کا کیا حال ہوتا، یہی سندھ اور پنجاب کے احتساب میں فرق ہے۔

انہوں نے کہا کہ عدلیہ نے پیپلز پارٹی کی حکومت کا کبھی ساتھ نہیں دیا اور پیپلز پارٹی بھی نون لیگ کی طرح عدلیہ کے ساتھ معاملات طے نہیں کر سکی۔

بلاول بھٹو زرداری کا کہنا تھا کہ پیپلز پارٹی میں ہر سطح پر تبدیلیاں کرینگے، مشاورت کیلئے سی ای سی کا اجلاس طلب کر لیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top