The news is by your side.

Advertisement

نواز شریف کو اندر کا کھوٹ سنگسار کر رہا ہے، بلاول بھٹو

اسلام آباد: پیپلز پارٹی کے چیئرمین بلاول بھٹو زرداری نے کہا ہے کہ نواز شریف کو ان کے اندر کا کھوٹ سنگسار کر رہا ہے، میثاق جمہوریت پر ان کے دل میں کھوٹ تھا۔

تفصیلات کے مطابق فیصل آباد، سرگودھا کے عہدے داروں اور ٹکٹ ہولڈرز سے خطاب کرتے ہوئے بلاول بھٹو نے کہا کہ نواز شریف اور عمران خان چہرے دو ہیں لیکن سوچ ایک ہے۔

ان کا کہنا تھا کہ نواز شریف کے دل میں کھوٹ نہ ہوتا تو میثاق جمہوریت پر ہمارا ساتھ دیتے۔ پارٹی چھوڑ کر جانے والوں کے بارے میں کھلے لفظوں میں اعلان کیا کہ پارٹی کے دروازے ان پر ہمیشہ کے لیے بند ہوگئے ہیں۔

چیئرمین پیپلز پارٹی نے خطاب میں کارکنوں سے کہا کہ پارٹی کارکن ہی میری طاقت ہیں، جو شہید بھٹو کے فلسفے پر یقین رکھتے ہیں وہ میرے ساتھ ہیں۔

بلاول بھٹو نے شہید بے نظیر بھٹو کے جانثاروں کو قوت قرار دیتے ہوئے کہا کہ پیپلز پارٹی مزدوروں، محنت کشوں، کسانوں اورطالب علموں کی جماعت ہے۔

نااہل نواز اور ترین کو اپنے اعمال کے نتائج کا سامناکرنا چاہیے،بلاول بھٹو

ان کا کہنا تھا کہ پیپلز پارٹی واحد پارٹی ہے جو اقتدار میں آکر نوجوانوں کوروزگار دیتی ہے، ہمیں اپنی پارٹی کو مضبوط بنانا ہے، جو پارٹی چھوڑ کر جانا چاہے جائے، ہماری طاقت ہمارے کارکن ہیں۔

خیال رہے کہ گزشتہ ہفتے بھی بلاول بھٹو نے ٹویٹ کرتے ہوئے کہا تھا کہ یہ تحریک انصاف اور نواز لیگ ہی تھی جنھوں نے سیاست کو عدلیہ کے زیر اثر کیا، جس کی سزا نوازشریف کو اب بھگتنی پڑ رہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں