The news is by your side.

Advertisement

جب ہم لوگ پھانسی سے نہیں ڈرے تو پتھرسے کیا ڈریں گے،بلاول بھٹو

کراچی : پیپلز پارٹی چیئرمین بلاول بھٹو نے کہا کہ جب ہم لوگ پھانسی سے نہیں ڈرے تو پتھرسے کیا ڈریں گے، جووعدے پیپلز پارٹی نے کئے انہیں پورا کیے اور اب عوام سے جو وعدے کروں گا انہیں پورا کروں گا۔

تفصیلات کے مطابق کراچی میں چیئرمین پیپلزپارٹی بلاول بھٹو نے ریلی سے خطاب کرتے ہوئے کہا کہ ہمارااورآپ کا صرف سیاسی نہیں دلوں، وفاداریوں اور نسلوں کا رشتہ ہے، پیپلز پارٹی تشدد کی سیاست نہیں کرتی۔

بلاول بھٹو کا کہنا تھا کہ لیاری کےعوام نے باہر نکل مجھے خوش آمدید کہا، جب ہم لوگ پھانسی سے نہیں ڈرے تو پتھرسے کیا ڈریں گے، پیپلز پارٹی کی انتخابی مہم مخالفین کوبرداشت نہیں ہورہی۔

پی پی چیئرمین نے کہا کہ آج میں اپنا منشور لے کر آپ کے پاس آیا ہوں، جووعدے پیپلز پارٹی نے کئے انہیں پورا کیے اور آج میں عوام سے جو وعدے کروں گا انہیں پورا کروں گا۔

ان کا کہنا تھا کہ پیپلزپارٹی واحد جماعت ہے، جس نے عوام کواپنا منشور دیا، مخالف جماعتوں کے پاس نہ کوئی منشور ہے نہ کوئی پلان، مخالفین نے سازش کے تحت ہم پر پتھراؤ کرایا۔

بلاول بھٹو نے کہا کہ آپ کے لئے روزگار کا انتظام کریں گے،غربت مٹائیں گے، پیپلز پارٹی کے جیالے کبھی نہیں ڈرے، نہ ڈریں گے، بے روزگاری، مہنگائی اور پانی کا مسئلہ مل کر حل کریں گے۔


مزید پڑھیں : وعدہ کرتا ہوں سمندر کا پانی بھی میٹھا کرنا پڑا تو کریں گے، بلاول بھٹو زرداری


گذشتہ روز چیئرمین پیپلز پارٹی بلاول بھٹو زرداری نے چاکیواڑہ میں خطاب کرتے ہوئے کہا تھا کہ کہا پانی کی قلت دور کرنے کے لیے اگر سمندر کا پانی بھی میٹھا کرنا پڑا تو کریں گے، یہ میرا وعدہ ہے، ہم نے پاکستان کو بچانا ہے اور لوگوں کو روزگار دینا ہے، اقتدار میں آکر روزگار کے لیے بلا سود قرضے دیں گے۔

انھوں نے اپنے خطاب میں ”لے کے رہے گا ہر انسان : روٹی کپڑا اور مکان“ کا نعرہ لگاتے ہوئے کہا تھا مسائل حل کرنے کے لیے مجھے آپ کا ساتھ چاہیے، آپ میرے ساتھ ہوں تو کوئی ہمارا راستہ نہیں روک سکتا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں