گوا : وزیر خارجہ بلاول بھٹو نے شنگھائی تعاون تنظیم کیلئے پاکستان کے مضبوط عزم کا اعادہ کرتے ہوئے کہا گوا میں میری موجودگی پاکستان کیلئے شنگھائی تعاون تنظیم کی اہمیت کی عکاسی کرتی ہے۔
تفصیلات کے مطابق بھارت کی میزبانی میں گوامیں شنگھائی تعاون تنظیم کے وزرائے خارجہ کونسل کے اجلاس کا آغاز ہوگیا ہے۔
وزیر خارجہ بلاول بھٹو زرداری نے وزیر خارجہ بلاول بھٹو شنگھائی تعاون تنظیم کےوزرائےخارجہ کونسل کے اجلاس سے خطاب کرتے ہوئے کہا کہ علاقائی رابطوں کو بڑھانےمیں ایس سی او کا کردار اہم ہے اور تعمیری،باہمی تعاون کے ذریعے سلامتی اورترقی کوفروغ دینے کا پلیٹ فارم ہے۔
بلاول بھٹو کا کہنا تھا کہ موسمیاتی تبدیلی انسانیت کیلئے سنگین خطرہ ہے،وزیر خارجہ بلاموسمیاتی تبدیلی کےخطرات سےنمٹنےکیلئےمل کر کام کرنا ہوگا۔
وزیرخارجہ نے مزید کہا کہ شنگھائی تعاون تنظیم کےتحت غربت کےخاتمے کیلئےتعاون ضروری ہے، پاکستان کا تجویز کردہ غربت خاتمے پر خصوصی ورکنگ گروپ کا قیام ایک قدم ہوگا۔
ان کا کہنا تھا کہ ریاستوں کے یکطرفہ،غیرقانونی اقدامات شنگھائی تعاون تنظیم کے مقاصد کیخلاف ہیں ، ریاستوں کے غیر قانونی اقدامات سلامتی کونسل کی قراردادوں کی خلاف ورزی ہے۔
بلاول بھٹو نے شنگھائی تعاون تنظیم کیلئےپاکستان کےمضبوط عزم کااعادہ کرتے ہوئے کہا گوا میں میری موجودگی پاکستان کیلئےشنگھائی تعاون تنظیم کی اہمیت کی عکاسی کرتی ہے۔
