The news is by your side.

Advertisement

خان صاحب، کراچی آ کر الیکشن لڑیں، آپ کو عبرت ناک شکست دیں گے: بلاول بھٹو

تھر:  پیپلز پارٹی کے چیئرمین بلاول بھٹو نے عمران خان کو چیلنج کرتے ہوئے کہا ہے کہ وہ کراچی آکر الیکشن لڑیں، پیپلز پارٹی انھیں عبرت ناک شکست دے گی۔

تفصیلات کے مطابق تھر میں ایک تقریب سے خطاب کرتے ہوئے بلاول بھٹو نے کہا کہ تھر میں جتنا کام ہوا ہے, اتنا پنجاب یا کے پی کے کے کسی علاقے میں نہیں ہوا۔ 2018 کے انتخابات میں پیپلزپارٹی ہر صوبے اور وفاق سے الیکشن جیتے گی، نواز شریف ایک شہر کے وزیر اعظم رہے، پورے ملک کے نہیں۔

عمران خان اور نواز شریف ایک ہی سکے کے دو رخ ہیں: بلاول بھٹو

بلاول نے کراچی کو سندھ کا تاج قرار دیتے ہوئے کہا کہ سب جانتے ہیں ماضی میں کون سی طاقت تھی، جس کا کراچی پر قبضہ تھا، آج بھی کراچی کا بلدیاتی انتظام جن کے پاس ہے وہ آپس میں‌ لڑ رہے ہیں۔

پیپلز پارٹی کے چیئرمین نے تھر میں‌ جاری ترقیاتی کام کی طرف اشارہ کرتے ہوئے کہا کہ اب جتنا ترقیاتی کام یہاں ہورہا ہے پہلے اس کے بارے میں‌ صرف سنا تھا یا تصاویر میں دیکھا تھا۔ ہم تھر کے کوئلے سے فائدہ اٹھاکر توانائی کی ضرورتیں‌ پوری کریں گے۔

انھوں نے کہا تھر میں عالمی معیار کے مطابق کام ہورہا ہے، یہاں معاشی انقلاب سے ہر پاکستانی کو آگاہی دینا ہوگی، بے نظیر بھٹو کے خواب کو پورا ہوتے دیکھ کر بہت خوشی ہورہی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں