The news is by your side.

Advertisement

ن لیگ پر بھروسا نہیں کرسکتا، جب بھی موقع ملا دھوکا دیا، بلاول بھٹو

کندھ کوٹ: پاکستان پیپلز پارٹی کے چیئرمین بلاول بھٹو زرداری نے کہا ہے کہ ن لیگ پر بھروسا نہیں کیا جا سکتا، اسے جب بھی موقع ملا دھوکا ہی دیا۔

ان خیالات کا اظہار انھوں نے اندرون سندھ انتخابی دوروں کے دوران مختلف علاقوں میں جلسوں سے خطاب کرتے ہوئے کیا، کہا ن لیگ سے جب ذات کا سوال ہوتا ہے تو جمہوریت کی بات کرتی ہے۔

بلاول نے کہا کہ شفاف انتخابات ہوئے تو پیپلز پارٹی ہر جگہ سے جیتے گی، لوٹے اور مفاد پرستوں کے لیے سیاست میں مثال قائم کرنا ہوگی، پاکستان غیر جمہوری اقدامات کا متحمل نہیں ہو سکتا۔

ان کا کہنا تھا کہ عوام کو فیصلہ کرنے دیا جائے، سیاست میں مداخلت نہ کی جائے، امیدواروں کو سیاست سے الگ کرنے کے بجائے مقابلہ کیا جائے، کہا پری پول دھاندلی کی کوشش ہورہی ہے۔

نواز شریف انگریزوں کی گود سے نکلیں اور شیر بنے، بابر اعوان


خان گڑھ میں خطاب کے بعد کندھ کوٹ میں کارکنوں سے خطاب کرتے ہوئے بلاول بھٹو نے کہا کہ پیپلز پارٹی نے سندھ میں 3 سرکاری یونی ورسٹیاں بنائیں، خیبر پختونخوا میں ایک یونی ورسٹی نہیں بنی۔

ہولو گرام کے ذریعے اپنے خطاب میں بلاول کا کہنا تھا کہ ہم بہت کچھ کرنا چاہتے ہیں اور بہت کچھ کر بھی چکے ہیں، سندھ میں دل کے 8 اسپتال بنائے، 2000 سے زائد آر او پلانٹ لگائے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں