The news is by your side.

Advertisement

الیکشن خوف کے ماحول میں لڑا جارہا ہے، بلاول بھٹو

اٹک: پاکستان پیپلزپارٹی کے چیئرمین بلاول بھٹو زرداری نے کہا ہے کہ 25 جولائی کو ووٹ کی طاقت سے دہشت گردی کو شکست دیں گے، الیکشن خوف کے ماحول میں لڑا جارہا ہے۔

ان خیالات کا اظہار انہوں نے اٹک میں میڈیا گفتگو کرتے ہوئے کیا، بلاول بھٹو نے کہا کہ ہماری سیاست نسلوں کی قربانی کی سیاست ہے، شہید بینظیر بھٹو نے اپنے وعدے پورے کرکے دکھائے تھے، آج جو وعدہ میں کررہا ہوں وہ وعدے بھی پورے کرکے دکھائیں گے۔

بلاول بھٹو نے کہا کہ میں شہید بینظیر بھٹو کے نامکمل مشن کو پورا کرنے نکلا ہوں، آپ ساتھ ہیں تو شہید بھٹو کا نظریہ لے کر غریب عوام کی لڑائی لڑوں گا، 25 جولائی کو آپ نے تیر پر ٹھپہ لگانا ہوگا۔

چیئرمین پیپلزپارٹی نے عوام کو مخاطب کرتے ہوئے کہا کہ آپ سے خون کا رشتہ ہے، اقتدار میں آکر بلاسود قرضے دیں گے، روزگار فراہم کریں گے، کسانوں کو سہولتیں دیں گے، 25 جولائی کو تیر پر مہر لگا کر پیپلزپارٹی امیدواروں کو کامیاب کرائیں۔

بلاول بھٹو زرداری نے کہا کہ پیپلزپارٹی غریب عوام کو ان کے حقوق دلائے گی، ہم غریب عوام کی زندگی میں تبدیلی لائیں گے، کسانوں کے حقوق کا معاملہ ہمارے منشور میں شامل ہے۔

مزید پڑھیں: پیپلزپارٹی ودیگرجماعتوں کوالیکشن میں حصہ لینےسےروکا جارہا ہے‘ بلاول بھٹو

واضح رہے کہ بلاول بھٹو کا کہنا تھا کہ انتخابات کے لیے پیپلزپارٹی کوسازگارماحول نہیں مل رہا، انتخابی مہم کے دوران خوف کی فضا پیدا کرنے کی کوشش کی جارہی ہے۔

چیئرمین پیپلزپارٹی بلاول بھٹو زرداری کا کہنا تھا کہ پیپلزپارٹی کے امیدوار اور کارکن مشکلات کے باوجود کام کررہے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں