The news is by your side.

Advertisement

پی ایس ایل فور کا فائنل: بلاول بھٹو اور اسد عمر کی آمد پر شائقین کا حیران کن ردعمل

کراچی: گذشتہ روز ہونے والے پی ایس ایل 4 کے فائنل میں‌ جہاں‌ کئی معروف شخصیات نے شرکت کی، وہیں‌ پیپلزپارٹی کے چیئرمین بلاول بھٹو اور وزیر خزانہ اسد عمر بھی اسٹیڈیم میں‌ دکھائی دیے.

تفصیلات کے مطابق پی ایس ایل فور کا فائنل کل نیشنل اسٹڈیم کراچی میں‌ کھیلا گیا، جسے ایک اندازے کے مطابق 36 ہزار سے زاید تماشایوں نے دیکھا، جو جوش سے بھرپور تھے اور مسلسل نعرے لگا رہے تھے.

ایسے ہی نعرے انھوں نے تب بھی لگائے، جب انھوں نے بلاول بھٹو کو انکلیوژر میں‌ دیکھا، مگر یہ نعرے زیادہ خوش گوار نہیں تھے.

تماشائی بلاول کو دیکھ کر “گو بلاول گو” کے نعرے لگانے لگے، جس کی وجہ سے عجیب صورت حال پیدا ہوگئی، البتہ کچھ افراد نے بلاول بھٹو سے ہاتھ بھی ملایا.

مزید پڑھیں: آرمی کیپ، پاکستانی اداکاروں کا بھارتی ٹیم کو کرارا جواب

اسٹیڈیم میں‌ اسد عمر بھی دکھائی دیے. انھیں‌ دیکھ کر شرکا نے “آئی آئی پی ٹی آئی” کے نعرے لگائے، اسد عمر نے اپنی نشست سے کھڑے ہو کر مسکراتے ہوئے سب کو جواب دیا.

خیال رہے کہ کل ہونے والے میگا ایونٹ میں صدر پاکستان، آرمی چیف، وزیر اعلیٰ سندھ اور ڈی جی آئی ایس پی آر سمیت کئی اہم حکومتی شخصیات نے شرکت کی. فائنل کا ٹائٹل کوئٹہ کے نام رہا، جس نے پشاور کو یک طرفہ مقابلے میں‌ شکست دی.

Comments

comments

یہ بھی پڑھیں