The news is by your side.

Advertisement

بلاول کی مریم نواز کو گڑھی خدا بخش میں جلسہ کرنے کی دعوت

لاہور: چیئرمین پاکستان پیپلز پارٹی بلاول بھٹو زرداری نے نائب صدر مسلم لیگ (ن) کو پیپلز پارٹی کے گڑھ میں جلسہ کرنے کی دعوت دے دی ہے۔

تفصیلات کے مطابق بلاول بھٹو اور مریم نواز کے درمیان جاتی امرا میں اہم ملاقات ہوئی، جہاں بلاول بھٹو نے مریم نواز سے ان کی دادی بیگم شمیم اختر کےانتقال پر تعزیت کی، بلاول بھٹو نے مرحومہ بیگم شمیم اختر کےدرجات بلندی کیلئے فاتحہ خوانی کی۔ملاقات میں دونوں رہنماؤں نے تیرہ دسمبر کو مینار پاکستان میں ہونے والے پی ڈی ایم جلسے کے حوالے سے تبادلہ خیال کیا اور جلسے سے متعلق پلان بی اور سی پر بھی گفتگو کی ، ملاقات میں بلاول بھٹو نے مریم نواز کو بے نظیربھٹو کی برسی پر گڑھی خدا بخش میں جلسےکی دعوت بھی دی۔

دونوں رہنماؤں کے درمیان ہونے والی ملاقات میں پیپلز پارٹی کی جانب سے شیری رحمان، راجہ پرویز اشرف ، قمرزمان کائرہ موجود تھے جبکہ نون لیگ کی جانب سے احسن اقبال، رانا ثنااللہ، پرویز رشید، محمد زبیر اور مریم اورنگزیب نے شرکت کی۔

Comments

یہ بھی پڑھیں