The news is by your side.

Advertisement

موجودہ صورت حال پرسینیٹ کا اجلاس بلایا جائے،بلاول

کراچی: چیئرمین  پاکستان پیپلز پارٹی بلاول بھٹو زرداری نے موجودہ صورتِ حال پر اپنی جماعت کے اراکین کو سینیٹ کا اجلاس بلانے کے لیے درخواست جمع کرانے کی ہدایت کر دی۔

تفصیلات کے مطابق بلاول ہاؤس میں بلاول بھٹو زرداری کے  زیرِ صدارت ہونے والے ایک اہم اجلاس میں ملک میں تیزی سے بدلتی ہوئی صورت حال پر پارٹی رہنماؤں سے تبادلہ خیال کیا گیا۔

اجلاس میں قومی اسمبلی میں اپوزیشن لیڈر سید خورشید شاہ،قمر زماں کائرہ،مشیر اطلاعات سندھ مولا بخش چانڈیو،نثار کھوڑو سمیت ایم رہنماؤں نے شرکت کی۔

اجلاس میں کیے گئے فیصلوں کے تحت چیئرمین پاکستان پیپلز پارٹی نے اپنی جماعت سے تعلق رکھنے والے سینیٹرز کو کل سینیٹ کا اجلاس بلانے کے لیے ریکوزٹ جمع کرانے کی ہدایات جاری کی ہیں۔

انہوں نے کہا کہ سینیٹ کا اجلاس بلا کر پنجاب میں جاری سیاسی کشیدگی پر بحث کی جائے کیوں کہ ملکی سالمیت اور جمہوریت کی بقا کے لیے سیاسی رواداری اور سیاسی قائدین کے درمیان ہم آہنگی نہایت ضروری ہے۔

اجلاس سے خطاب کرتے ہوئے چیرمین بلاول نھٹو کا کہنا تھا کہ احتجاج کرنا ہر سیاسی جماعت کا بنیادی آئینی حق ہے اور جمہوریت میں کسی جماعت کو احتجاج کرنے سے نہیں روکا جا سکتا ہے،سیاسی کارکنوں اور سیاسی جماعتوں پر زمین تنگ کر دینا آمریت کی روش ہے۔

Comments

comments

یہ بھی پڑھیں