The news is by your side.

Advertisement

بلاول بھٹو نے کارکنوں کو اپنی سالگرہ منانے سے روک دیا

کراچی: چئیرمین پیپلز پارٹی بلاول بھٹو نے کہا کارکنان اور رہنما ان کی سالگرہ پر کیک کاٹنے کے بجائے یتیموں اور ایدھی سینٹرزمیں رہنے والے خصوصی افراد اور دہشت گردی سے متاثرہ افراد سے ملاقاتیں کریں اور ان میں تحائف تقسیم کریں ۔

اکیس ستمبرکو پیپلزپارٹی کے چیئرمین بلاول بھٹو کی اٹھائیسویں سالگرہ کے موقع پر چیئرمین پیپلزپارٹی بلاول بھٹو نے کارکنوں کو سالگرہ پر تقریبات منعقد کرنے اور کیک کاٹنے سے منع کردیا۔

بلاول بھٹو نے اپنے بیان میں کہا کارکنان اور رہنما ان کی سالگرہ کی تقریبات منعقد کرنے کے بجائے دہشتگردی کے متاثرین، آئی ڈی پیز یتیموں اور ایدھی ہومز میں مقیم بے کسوں سے ملیں اور ان میں تحائف تقسیم کریں۔

پیپلز پارٹی کے کارکنوں نے اپنے چیئرمین بلاول بھٹو کی اٹھائیسویں سالگرہ بھرپور طریقے سے منانے کا اعلان تھا،جس پر چئیرمین بلاول بھٹو نے جشن منانے کے بجائے خدمت خلق کی ہدایت کی ہے ۔

Print Friendly, PDF & Email

Comments

comments

یہ بھی پڑھیں