کراچی: چیئرمین پیپلزپارٹی بلاول بھٹو زرداری نے کہا کہ جمہوریت اور جمہوری اداروں کی سربلندی کے لیے کام کیا ہے۔
تفصیلات کے مطابق چیئرمین بلاول بھٹو زرداری نے پیپلزپارٹی کے اراکین سندھ اسمبلی کو آج شام 7 بجے بلاول ہاؤس پہنچنے کی ہدایت کردی۔
بلاول بھٹواراکین سندھ اسمبلی سے اب تک کی کارکردگی رپورٹ مانگیں گے، بلاول بھٹو سیاسی صورت حال، مقدمات پر بھی اراکین سندھ اسمبلی سے گفتگو کریں گے۔
چیئرمین پیپلزپارٹی کا کہنا تھا کہ جمہوریت اور جمہوری اداروں کی سربلندی کے لیے کام کیا ہے، آنے والا وقت مشکل ہو یا آسان، پیپلزپارٹی میدان نہیں چھوڑے گی۔
عوامی طاقت سے عوام دشمن قوتوں کا مقابلہ کروں گا‘ بلاول بھٹو
یاد رہے کہ رواں ماہ سکھر میں پیپلزپارٹی کے 51 ویں یوم تاسیس کی تقریب سے خطاب کرتے ہوئے پیپلزپارٹی کے چیئرمین بلاول بھٹو زرداری کا کہنا تھا کہ عوامی طاقت سے عوام دشمن قوتوں کا مقابلہ کروں گا۔
چیئرمین پیپلزپارٹی کا کہنا تھا لیڈر شہید ذوالفقارعلی بھٹوکی طرح ہوتا ہے، قیادت سیکھنی ہے توشہید بھٹو اورشہید بےنظیر بھٹو سے سیکھیں۔
