The news is by your side.

Advertisement

کراچی کی طرف آنکھیں دکھائیں گےتوآنکھیں نکال لیں گے، بلاول بھٹو

اسلام آباد :چیئرمین پیپلزپارٹی بلاول بھٹو نے کہا کٹھ پتلی حکومت کو گھر بھیجنے کیلئےعوام ہر قدم اٹھانے کوتیار ہیں، کراچی کی طرف آنکھیں دکھائیں گےتوآنکھیں نکال لیں گے۔

تفصیلات کے مطابق چیئرمین پیپلزپارٹی بلاول بھٹو نے میڈیا سے گفتگو کرتے ہوئے کہا عدالتی نظام ویساہی ہےجیسامشرف دورمیں تھا، بغیرثبوت اور شواہد کسی کو بھی حراست میں لیاجاسکتاہے، سابق صدر کیساتھ ایسا سلوک ہوسکتاہے تو سوچیں عام شہری کیساتھ کیاہوگا، کیا عام شہریوں کو انصاف مل سکتا ہے۔

چیئرمین پیپلزپارٹی کا کہنا تھا کہ عدالت نے ذوالفقارعلی بھٹو کاجوڈیشل قتل قراردیاتھا، پیپلزپارٹی کی جمہوری جدوجہد جاری رہے گی، ہم اصولوں اور اپنے نظریے  پر سمجھوتہ نہیں کریں گے۔

بلاول بھٹو نے کہا آصف زرداری ساڑھے11 سال جیل میں رہ چکےہیں، جیلیں پیپلزپارٹی اورآصف زرداری کیلئے نئی نہیں، سیاسی مخالفین کو صرف الزامات کی بنیاد پر گرفتار کیا جارہا ہے۔

ان کا کہنا تھا کہ آصف زرداری بیمار ضرور ہیں لیکن ان کا حوصلہ بلندہے،ب پیپلزپارٹی اقتدارمیں آتی ہے تو امیروں کو خوش نہیں کرتی، غریبوں کو خوش کرتی ہے ، عوام تنگ آچکے ہیں اور سڑکوں پر نکلنے کو تیار ہیں، کٹھ پتلی حکومت کو گھر بھیجنے کے لئے عوام ہر قدم اٹھانے کو تیار ہیں۔

پی پی چیئرمین نے کہا گرفتاریوں سے اپوزیشن کو دبانے کی مذمت کرتے ہیں، چمن دھماکے پر بہت جلد فضل الرحمان صاحب کے پاس تعزیت کے لیے جاؤں گا، ہمارا  پروگرام چل رہاہے ، عوام سے رابطہ کرکے بتا رہے ہیں، رابطہ مہم مضبوط بنانے کیلئے ن لیگ و دیگر جماعتوں سے بھی ملیں گے۔

بلاول بھٹو کا کہنا تھا کہ مقبوضہ کشمیر کی حیثیت بدلنے کی کوشش تاریخی حملہ ہے، سوال یہ اٹھتا ہے کیا کسی اور وزیراعظم کے دور پر کشمیر پر حملہ ہوا،  تاریخی حملے کے بعد حکو مت نے کیا غیر معمولی قدم اٹھایا ہے، ہمیں امید تھی کہ وزیراعظم کی پوری تقریرمسئلہ کشمیر پر ہوتی۔

انھوں نے کہا کہ  پیپلزپارٹی جمہوریت اور انسانیت سے پیچھے نہیں ہٹ سکتی، ہم ڈیل نہیں کریں گے ہم لڑنا جانتے ہیں، ایک صوبے کے منتخب وزیراعلیٰ کو گرفتار کرنا ہے تو کرلیں، وزیراعلیٰ سندھ کو گرفتار کیا جاتا ہے تو پیپلزپارٹی بھی جواب دے گی۔

بلاول بھٹو کا مزید کہنا تھا کہ  عالمی طور پر پرامن شہروں میں کراچی کا شمار کیوں ہوتا ہے؟ کراچی کی طرف آنکھیں دکھائیں گے تو آنکھیں نکال لیں گے۔

Comments

comments

یہ بھی پڑھیں