The news is by your side.

Advertisement

بلاول بھٹو نے وزیرریلوے شیخ رشید کے استعفےٰ کا مطالبہ کردیا

اسلام آباد : چیئرمین پیپلزپارٹی بلاول بھٹو نے ٹرین حادثے پر وزیرریلوے شیخ رشید کے استعفےٰ کا مطالبہ کرتے ہوئے کہا ٹرین حادثے معمول بن رہےہیں، ریلوے کے وزیر کچھ نہیں کر پارہے۔

تفصیلات کے مطابق چیئرمین پیپلزپارٹی بلاول بھٹو زرداری نے صادق آباد ٹرین حادثے میں انسانی جانوں کے ضائع پر اظہار افسوس کرتے ہوئے کہا متاثرہ خاندانوں کے لئے یہ قیامت کی گھڑی ہے۔

بلاول بھٹو کا کہنا تھا کہ ٹرین حادثے معمول بن رہےہیں، ریلوے کےوزیر کچھ نہیں کرپارہے،انکوائری مکمل ہونے تک شیخ رشید وزارت سے مستعفی ہوجائیں۔

پی پی چیئرمین نے کہا ٹرین حادثوں پر مستعفی ہونے کی مثالیں دینے والےعمران خان کیا استعفیٰ مانگیں گے؟،پہلے بھی شیخ رشید نے ریلوے کا محکمہ تباہ کیا تھا، کھڑی بوگیوں کو ملا کر نئی ٹرینیں چلانے والے پوائنٹ اسکورنگ کے چکرمیں ہیں۔

مزید پڑھیں : صادق آباد : اکبرایکسپریس اور مال گاڑی میں تصادم، 11 افراد جاں بحق

یاد رہے کوئٹہ جانے والی اکبرایکسپریس ولہار اسٹیشن کی لوپ لائن پر کھڑی مال گاڑی سے جا ٹکرائی تھی ، جس کے باعث اسسٹنٹ ڈرائیور سمیت گیارہ مسافر جاں بحق اورساٹھ سےزائدزخمی ہوگئے۔

ریسکیوٹیمیں امدادی کاموں میں مصروف ہیں جب کہ پاک فوج کےجوان اورہیلی کاپٹربھی امدادی سرگرمیوں میں حصہ لے رہے ہیں جبکہ ڈی پی او کے مطابق حادثہ بروقت کانٹا تبدیل نہ ہونے کے باعث پیش آیا۔

وزیر ریلوے شیخ رشید احمد نے اکبر ایکسپریس حادثے کی تحقیقات کا حکم دیتے ہوئے حکام سے رپورٹ طلب کرلی اور کہا انسانی غفلت ہوئی تو ذمہ داروں کو نہیں چھوڑیں گے۔

Comments

comments

یہ بھی پڑھیں