The news is by your side.

Advertisement

آئینی لحاظ سے الیکشن میں تاخیر کا کوئی راستہ نظر نہیں آ رہا: بلاول بھٹو

منڈی بہاؤ الدین: پاکستان پیپلز پارٹی کے چیئرمین بلاول بھٹو کا کہنا ہے کہ آئینی لحاظ سے الیکشن میں تاخیر کا کوئی راستہ نظر نہیں آرہا۔ پیپلز پارٹی جب الیکشن لڑ رہی تھی اس وقت اب کے مقابلے میں زیادہ دہشت گردی تھی۔

تفصیلات کے مطابق پیپلز پارٹی کے چیئرمین بلاول بھٹو منڈی بہاؤ الدین کی تحصیل پھالیہ پہنچے۔ میڈیا سے گفتگو کرتے ہوئے انہوں نے کہا کہ پارٹی ممبر شپ کے لیے منڈی بہاؤ الدین کا دورہ کرنے آئے ہیں۔

انہوں نے کہا کہ پیپلز پارٹی احسن اقبال پر حملے کی مذمت کرتی ہے۔ مطالبہ کرتے ہیں کہ احسن اقبال پر حملے کی تحقیقات ہونی چاہیئے۔

بلاول کا کہنا تھا کہ ہمارے معاشرے میں اعتدال پسندی کا خاتمہ ہو رہا ہے۔ نفرت کی سیاست نے ملک کو اس نہج پر پہنچا دیا ہے۔ نفرت کی سیاست کرنے والوں کو ہوش کے ناخن لینا چاہیئے۔ ’احسن اقبال پر حملہ نفرت کی سیاست کا نتیجہ ہے‘۔

انہوں نے کہا کہ نوجوانوں کو نفرت کی سیاست پر نہیں ڈالنا چاہیئے۔ ’نواز شریف پاناما اسکینڈل چھپانے کے لیے محاذ آرائی کر رہے ہیں، انہوں نے محاذ آرائی کا راستہ اپنایا جو ملک کے لیے نقصان دہ ہے‘۔

بلاول کا کہنا تھا کہ سیکیورٹی کے معاملات بہتر ہونے چاہئیں۔ عراق اور افغانستان میں بھی الیکشن ہوتے رہے ہیں۔ آئینی لحاظ سے الیکشن میں تاخیر کا کوئی راستہ نظر نہیں آ رہا۔ پیپلز پارٹی جب الیکشن لڑ رہی تھی اس وقت زیادہ دہشت گردی تھی۔

انہوں نے مزید کہا کہ الیکشن سے پہلے تحریک انصاف سے اتحاد نہیں ہوسکتا۔ ’پیپلز پارٹی الیکشن میں پورے ملک سے سرپرائز دے گی۔ منڈی بہاؤ الدین پیپلز پارٹی کا علاقہ ہے عوام میرے ساتھ ہوں گے‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں