اسلام آباد : وزیر خارجہ بلاول بھٹو نے کہا ہے کہ بھارت سمجھتا ہے کہ وہ کشمیریوں کی آواز دبا دے گا تو وہ غلط ہے۔
اپنے ایک بیان میں ان کا کہنا ہے کہ مجھے وزیراعظم آزاد کشمیر کی جانب سے دورے کی دعوت دی گئی ہے، کل آزاد کشمیر میں کشمیریوں سے اظہار یکجہتی کیاجائے گا۔
انہوں نے کہا کہ اگھر بھارت یہ سمجھتا ہے کہ وہ مظلوم کشمیری عوام کی آواز کو دبا دے گا تو وہ غلط سمجھتا ہے، کشمیریوں کے حوصلے پست نہیں ہوں گے۔
بلاول بھٹو نے کہا کہ بھارت مقبوضہ کشمیر میں جی20اجلاس رکھ رہا ہے، ہم پرسوں احتجاجی جلسہ بھی رکھیں گے کشمیریوں سے اظہار یکجہتی کرینگے۔
بھارت سمجھ رہا ہے مقبوضہ کشمیر میں کانفرنس رکھ کر ان کی آواز دبا دیں گے، تو اس کی بھول ہے، اس قسم کے اقدام سے بھارت کا اصل چہرہ سامنے آجائے گا،
بھارت کو بتانا چاہتا ہوں کہ آپ یو این کونسل کی قراردادوں کی کھلی خلاف ورزی کررہے ہیں، بھارت عالمی قوانین اور یو این کونسل کی قراردادوں کی خلاف ورزی کررہا ہے، یہ دونوں چیزیں ساتھ ساتھ نہیں چل سکتی۔
