عمران خان کی شادی ہوئی ہےتوانہیں شادی مبارک ہو،بلاول بھٹوbilawal bhutto
The news is by your side.

Advertisement

عمران خان کی شادی ہوئی ہےتوانہیں شادی مبارک ہو،بلاول بھٹو

کراچی : پیپلز پارٹی کے چیئرمین بلاول بھٹو کا کہنا ہے کہ عمران خان کی شادی ہوئی ہے تو انہیں شادی مبارک ہو ، لیگ،مشرف ،ضیا کا پہلے سامنا کر چکے ہیں،جھوٹے کیسزسے نہیں ڈرتا، چاہتا ہوں پارلیمنٹ اپنی مدت پوری کرے۔

تفصیلات کے مطابق پیپلز پارٹی کے چیئرمین بلاول بھٹو نے میڈیا سے گفتگو کرتے ہوئے کہا کہ سانحہ ماڈل ٹاؤن پرقائم کمیٹی کمیٹی جو بھی فیصلہ کرے گی اس پر عملدرآمد کرینگے، سانحہ ماڈل ٹاؤن پرقائم کمیٹی میں ہمارےنمائندےشامل ہیں۔

پی پی چیئرمین کا کہنا تھا کہ چاہتاہوں پارلیمنٹ اپنی مدت پوری کرے، پارلیمنٹ مدت پوری نہیں کرے گی تویہ ن لیگ کی ناکامی ہوگی۔

بلاول بھٹو نے کہا کہ سندھ واحد صوبہ ہے جہاں انسداد غربت کاپروگرام چل رہاہے، میڈیامحض میٹرو میٹرو نہ دکھائے ہماری کارکردگی بھی دکھائے، ن لیگ،مشرف ،ضیا کا پہلے سامنا کرچکے ہیں، جھوٹے کیسز سے نہیں ڈرتا۔

عمران خان کی شادی کی خبروں سے متعلق بلاول بھٹو کا کہنا تھا کہ کہ کسی غیرتصدیق شدہ خبرپرکوئی تبصرہ نہیں کرناچاہتا، عمران خان کی شادی ہوئی ہے اور خبردرست چلی تو انہیں شادی مبارک ہو، لیکن اگر خبرغلط ہے توایسی خبریں نہیں چلنی چاہئیں۔

بلوچستان کی سیاسی صورتحال پر انھوں نے کہا کہ بلوچستان حکومت کے حوالے سے ایک دودن میں فیصلہ کرینگے، بلوچستان میں ہمارا ایک بھی ممبر صوبائی اسمبلی نہیں ہے، بلوچستان اسمبلی میں بغاوت کے پیچھے میں کیسے ہوسکتا ہوں، بغاوت بلوچستان اسمبلی سےنکل کرقومی اسمبلی تک جاسکتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Comments

comments

یہ بھی پڑھیں