عوام کو سندھ حکومت سے بہت زیادہ توقعات ہیں، بلاول بھٹو bilawal bhutto
The news is by your side.

Advertisement

عوام کو سندھ حکومت سے بہت زیادہ توقعات ہیں، بلاول بھٹو

کراچی: پیپلزپارٹی کے چیئرمین بلاول بھٹو زرداری نے کہا ہے کہ عوام کو سندھ حکومت سے بہت زیادہ توقعات ہیں، صوبائی وزراء کو توقعات پر پورا اترنے کے لیے دن رات کام کرنا ہوگا۔

تفصیلات کے مطابق پیپلزپارٹی کے چیئرمین بلاول بھٹو سے سندھ کابینہ میں شامل وزراء اور معاونین نے ملاقات کی، بلاول ہاؤس کراچی میں ملاقات کے دوران وزیراعلیٰ سندھ سید مراد علی شاہ بھی موجود تھے۔

پیپلزپارٹی کی حکومت کی کارکردگی دوسرے صوبوں کے لیے مثال ہونی چاہئے

بلاول بھٹو

بلاول بھٹو سے ملاقات میں صوبائی وزراء اویس شاہ، تیمور تالپور، عبدالباری پتافی، مرتضیٰ بلوچ موجود تھے جبکہ وقار مہدی، راشد ربانی، اشفاق میمن، قاسم نوید، نواب وسان نے بھی پیپلزپارٹی چیئرمین سے ملاقات کی۔

بلاول بھٹو نے کہا کہ پارٹی منشور کے تحت کابینہ کے لیے ٹارگٹس مقرر ہیں، کابینہ اراکین ٹارگٹس مکمل کرنے کے لیے پالیسی بنائیں۔

انہوں نے کہا کہ سندھ حکومت کی کارکردگی کو سب دیکھ رہے ہیں، جو کابینہ ممبر عوام کی امنگوں پر پورا نہیں اترے گا اسے تبدیل کیا جائے گا، پیپلزپارٹی کی حکومت کی کارکردگی دوسرے صوبوں کے لیے مثال ہونی چاہئے۔

پیپلزپارٹی چیئرمین کا کہنا تھا کہ ملک میں جمہوریت کو مضبوط کرنے کے لیے ہمارا سفر جاری رہے گا، غریب عوام عمران خان سے مایوس ہورہے ہیں، جس طرح اپوزیشن لیڈر کو گرفتار کیا گیا اس سے شک پیدا ہوتا ہے، شہباز شریف کا دفاع نہیں کررہا لیکن انتقامی سیاست ہم نے دفن کردی تھی۔

ان کا کہنا تھا کہ اس میں شک نہیں کہ مسلم لیگ ن کی حکومت نے ملکی تاریخ کا بڑا قرض لیا تھا۔

Comments

comments

یہ بھی پڑھیں