The news is by your side.

Advertisement

محسن داوڑ کی حمایت اور پاک فوج پر حملے کی مذمت بلاول بھٹو کا دہرا معیار ہے، وزراء

اسلام آباد : محسن داوڑ کی حمایت اور پاک فوج پر حملے کی مذمت بلاول بھٹو کے دہرے معیار کو ظاہر کرتا ہے، یہ بات ڈاکٹر فردوس عاشق اعوان اور فواد چوہدری نے بلاول بھٹو کے حالیہ بیان پر اپنے رد عمل میں کہی۔

اے آر وائی نیوز سے خصوصی گفتگو کرتے ہوئے فردوس عاشق نے کہا کہ بلاول بھٹو دہرا معیار اپناتے ہوئے پاک فوج کے شہدا کے خون پر سیاست کررہے ہیں، بلاول بھٹو کو سمجھ نہیں کہ یہ سیاست کا فورم نہیں ہے۔

انہوں نے کہا کہ دہشت گرد بھر سے جڑ پکڑ رہے ہیں،انہیں مضبوط نہ ہونے دیا جائے، بینظیربھٹو کی شکل اوربینظیر بھٹو کی عقل میں تضاد نظر آرہا ہے۔

دوسری جانب وزیر سائنس و ٹیکنالوجی فواد چوہدری کا کہنا ہے کہ محسن داوڑ کی حمایت اور پاک فوج پرحملے کی مذمت بلاول کا دہرامعیار ظاہرکرتا ہے، شہداء کے خون پر سیاست کرنا مناسب نہیں۔

علاوہ ازیں فردوس عاشق اعوان نے مزید کہا کہ خزانہ لوٹنے والے پٹرولیم مصنوعات کی قیمتوں پر مگر مچھ کے آنسو بہارہے ہیں، کرپشن الیون عوامی جذبات سے کھیل کر اپنے گناہ بخشوانا چاہتی ہے دیگر ممالک کے مقابلےمیں یہاں پٹرولیم قیمتوں میں کم اضافہ کیا گیا۔

ملک و قوم کا تیل نکالنے والی کرپٹ لیگ عوام کو بھڑکانے کے لئے منافقت کی سیاست کر رہی ہیں، فردوس عاشق اعوان نے کہا کہ اقتدار کے بھوکے عوام کے ہمدرد ہوتے تو آج ملک کی یہ حالت نہ ہوتی، ملکی دولت لوٹنے والوں کا بیان اور اقدام ایک ہو چکا ہے۔

کرپشن کنگز کی وجہ سے قوم اور جمہوریت ہمیشہ خسارے میں رہے، انہوں نےمال کمایا، قوم نے صرف نقصان اٹھایا، ان کا ایک ہی ایجنڈا ہے’’مال بچاؤ تےجلدی جلدی نس جاؤ‘‘۔

بلاول بھٹو کا دہرا معیار، آج کے دہشت گرد حملے کی مذمت، محسن داوڑ کے پروڈکشن آرڈر پر اصرار

خیال رہے کہ بلاول بھٹونے خرکمرچیک پوسٹ پرمحسن داوڑکے حملے کو مسترد کیا تھا، البتہ محسن داوڑکے پروڈکشن آرڈرپر اصرار کیا تھا۔

البتہ آج انھوں نے اسی نوع کے واقعے پر یکسر مختلف ردعمل اختیار کرتے ہوئے بویا میں سپاہی کو شہید کرنے والے نامعلوم افراد کی مذمت کی اور پاک فوج سے اظہار یک جہتی کیا۔

Comments

comments

یہ بھی پڑھیں