The news is by your side.

Advertisement

کراچی سے متعلق غیرآئینی اقدام اٹھایا گیا تو مخالفت کرینگے، بلاول بھٹو

کراچی: چیئرمین پیپلزپارٹی بلاول بھٹو زرداری کا کہنا ہے کہ وفاق نے کراچی سے متعلق غیر آئینی یا غیرقانونی اقدام اٹھایا تو مخالفت کریں گے۔

اے آر وائی نیوز کی رپورٹ کے مطابق چیئرمین پیپلزپارٹی بلاول بھٹو زرداری نے نیوز کانفرنس کرتے ہوئے کہا کہ وفاق نے کراچی کو اپنی کالونی بنانے کی کوشش کی تو مخالفت کریں گے، کراچی سے متعلق غیرآئینی کام کو عدالتی کور ملا تو یہ سندھ پر حملہ ہوگا۔

بلاول بھٹو نے کہا کہ جب بھی قومی ایشو بنا پیپلزپارٹی ہمیشہ اول صف میں رہی، اس وقت پاکستان مشکل میں ہے امید ہے ایسی کوئی حرکت نہیں کی جائے گی۔

انہوں نے کہا کہ غیر جمہوری لوگ ایف اے ٹی ایف کا نام استعمال کرکے طاقت چاہتے تھے، جو بل کالا قانون بن سکتا تھا ہم نے اس میں اپنا حصہ ملا کر اسے بہتر کیا، احتجاج اس بات پر ہے کہ بل پڑھنے کے لیے ارکان اسمبلی کو وقت نہیں دیا گیا، ایف اے ٹی ایف سے متعلق بلز کو زبردستی پاس کرایا گیا۔

چیئرمین پیپلزپارٹی نے کہا کہ پارلیمنٹ میں پیش کیے گئے تین بلز کا ایف اے ٹی ایف سے تعلق نہیں، ایف اے ٹی ایف کے علاوہ جو بل آئے پیپلزپارٹی اس کی مخالفت کرے گی۔

کرونا کے حوالے سے بلاول بھٹو نے کہا کہ عوام کا شکر گزار ہوں کہ کرونا کی صورتحال بہتر ہوئی ہے، غلط فہمی پھیلائی جارہی ہے کہ کرونا ختم ہوگیا ایسا نہیں ہے، کرونا سے متعلق احتیاطی تدابیر پر ابھی بھی عمل جاری رکھنا ہے۔

Comments

یہ بھی پڑھیں