The news is by your side.

Advertisement

صحافی عزیز میمن کا قتل، بلاول بھٹو کی جے آئی ٹی بنانے کی پیشکش

لاہور: چیئرمین پیپلزپارٹی بلاول بھٹو نے کہا ہے کہ صحافی عزیز میمن کے قتل پر جے آئی ٹی بنانے کو تیار ہیں۔

تفصیلات کے مطابق چئرمین پیپلزپارٹی بلاول بھٹو نے لاہور میں نیوز کانفرنس کرتے ہوئے کہا کہ صحافی عزیز میمن کے قتل کی مذمت کرتے ہیں، اسی علاقے میں ہماری ایم پی اے کو قتل کیا گیا، صحافی کے قتل پر جے آئی ٹی بنانے کے لیے تیار ہیں۔

بلاول بھٹو نے کہا کہ حکومت کے خلاف تحریک کے لیے تمام طبقات سے رابطہ کروں گا، ن لیگ کا بطور اپوزیشن پارلیمنٹ میں اہم کردار ہے، کنوینشر سیمینارز کے ذریعے عوام سے رابطہ کریں گے۔

مزید پڑھیں:نوشہروفیروز، صحافی عزیز میمن کے قتل کا مقدمہ درج کرلیا گیا

انہوں نے کہا کہ میں تو چاہوں گا موقع ملتے ہی حکومت گرادوں، ہم تو آئینی، جمہوری، قانونی طریقے سے حکومت ہٹانا چاہتے ہیں، حکومت مہنگائی کا جواب نہیں دیتی، مہنگائی کا طوفان کھڑا ہے، حکومتی وزیر اس کا جواب نہیں دے رہے، معاشی قتل کے خلاف پیپلزپارٹی آواز بلند کرتی رہے گی۔

چیئرمین پیپلزپارٹی نے کہا کہ پیپلزپارٹی کے دور میں تنخواہوں میں 100 فیصد سے زائد اضافہ کیا گیا، پہلے سے ہی کہا تھا ہم پی ٹی آئی آئی ایم ایف بجٹ کو نہیں مانتے، موجودہ حکومت نے سب سے زیادہ قرضہ لیا، ملک کو عوامی نمائندوں کی ضرورت ہے۔

بلاول بھٹو نے کہا کہ حکومت سیاسی مخالفین کو بند کرنا چاہتی ہے، حکومتی وزرا کہتے ہیں آئی ایم ایف اور موڈیز پاکستان سے خوش ہیں، ہم معاشی انصاف کے لیے ہر جماعت کے ساتھ کام کرنے کو تیار ہیں، معاشی پالیسیوں کے خلاف آواز بلند کرتے رہیں گے۔

fb-share-icon0
Tweet 20

Comments

comments

یہ بھی پڑھیں