بلاول بھٹو نے نوازشریف کی رہائی کو شریف خاندان کے لئے ریلیف قرار دے دیا
The news is by your side.

Advertisement

بلاول بھٹو نے نوازشریف کی رہائی کو شریف خاندان کے لئے ریلیف قرار دے دیا

کراچی: پیپلزپارٹی کے چیئرمین بلاول بھٹو زرداری نے نوازشریف کی رہائی کے فیصلہ کو شریف خاندان کے لئے ریلیف قرار دے دیا۔

ان خیالات کا اظہار انھوں نے نوازشریف، مریم نواز اور کیپٹن (ر) صفدر کی سزا معطلی پر ردعمل دیتے ہوئے کیا۔

بلاول بھٹو زرداری کا کہنا تھا کہ کلثوم نوازکی وفات کے بعد شریف خاندان مشکل دورسے گزر رہا ہے۔

انھوں نے کہا کہ موجودہ حالات میں عدالت کے قانونی پہلوؤں پر کمنٹ نہیں کرسکتے، ابھی عدالتوں کو اپیلوں پرفیصلہ کرنا ہے، کیس ختم نہیں ہوا۔

بلاول بھٹوزرداری  کے مطابق پیپلزپارٹی یقین رکھتی ہے کہ عدالتیں کسی سیاسی انتقام کا حصہ نظر نہیں آئیں گی۔

پیپلزپارٹی کے چیئرمین نے کہا کہ قانون کی حکمرانی اور  آزادعدلیہ کسی بھی جمہوری نظام کے لئے ضروری ہے۔


مزید پڑھیں: نیب اسلام آباد ہائیکورٹ کا فیصلہ چیلنج کرے گا


یاد رہے کہ آج اسلام آباد ہائی کورٹ میں سابق وزیراعظم نوازشریف، مریم نواز اور کیپٹن (ر ) صفدر کی سزا معطلی کی درخواستوں پر جسٹس اطہر من اللہ اور جسٹس میاں گل حسن اورنگ زیب نے سماعت کی۔

ہائی کورٹ نے ایوان فیلڈ ریفرنس میں سابق وزیراعظم نوازشریف، مریم نواز،کپیٹن(ر)صفدر کی سزائیں معطل کرتے ہوئے تینوں کو رہا کرنے کا حکم دے دیا.

واضح رہے کہ چیئرمین نیب جسٹس (ر) جاویداقبال کی زیرصدارت اجلاس میں فیصلہ کیا گیا ہے کہ عدالتی فیصلے کے خلاف اپیل دائر کی جائے گی۔

Comments

comments

یہ بھی پڑھیں