The news is by your side.

Advertisement

کہیں مقبوضہ کشمیر میں‌ بھی فلسطین والی صورت حال نہ ہوجائے: بلاول بھٹو زرداری

لاہور: پاکستان پیپلز  پارٹی کے چیئرمین بلاول بھٹو زراری نے خدشہ ظاہر کیا ہے کہ کہیں مقبوضہ کشمیر میں‌ بھی فلسطین والی صورت حال نہ ہوجائے.

ان خیالات کا اظہار انھوں نے بھارت کی بڑھی جارحیت اور قوانین کی خلاف ورزی پر ردعمل دیتے ہوئے کیا. ان کہنا تھا کہ مقبوضہ کشمیرمیں ریاستی دہشت گردی، ایل او سی پرجارحیت قابل مذمت ہے.

کشمیر کا معاملہ اقوام متحدہ میں لے جانا چاہیے

بلاول بھٹو زرداری

بلاول بھٹو نے کہا کہ دنیا کے سامنے بھارت کی ریاستی دہشت گردی ٹھیک انداز میں پیش نہیں کی جا سکی، کشمیر کا معاملہ اقوام متحدہ میں لے جانا چاہیے.

پاکستان پیپلز پارٹی کے چیئرمین نے کہا کہ ٹرمپ ثالثی کی بات کر رہے ہیں، یہ خوش آئند ہے.

ایک سوال کے جواب میں انھوں نے کہا کہ پیپلز پارٹی ملازمتوں میں توسیع پر سیاست نہیں کرتی، یہ قابل قبول نہیں.

خیال رہے کہ بھارت قوانین کی دھجیاں اڑاتے ہوئے ایل اوسی پر شہریوں کونشانہ بنانےکے لئے کلسٹر ٹوائے بم کا استعمال کررہا ہے، بھارتی فوج نے 30 اور 31 جولائی کو آبادی کو نشانہ بنایا.

بھارت نے وادی نیلم میں کلسٹر ٹوائے بم سے آبادی کو ٹارگٹ کیا، کلسٹر ٹوائے بم سے 4 سال کے بچے سمیت 2 شہری شہید اور  11 زخمی ہوئے تھے۔

ڈی جی آئی ایس پی آرمیجرجنرل آصف غفور نے بھارتی فوج کی جانب سے کلسٹربم کے استعمال کی مذمت کرتے ہوئے کہا کہ دنیا کا کوئی ہتھیار کشمیریوں کے حق خودارادیت کا عزم دبا نہیں سکتا۔

Comments

comments

یہ بھی پڑھیں