لاہور : بلاول ہاؤس لاہور میں منائے جانے والے پیپلز پارٹی کے ہفتہ تاسیس کے پروگرام کا شیڈول جاری کر دیا گیا۔
پاکستان پیپلزپارٹی پارٹی کاانچاسواں یوم تاسیس پر جیالے بھرپور ہفتہ تاسیس منائیں گے، پیپلز پارٹی کے ہفتہ تاسیس کے پروگرام بلاول ہاؤس لاہور میں ہونگے، 30 نومبر کو یوم تاسیس کا جلسہ ہوگا جبکہ یکم سے 6 دسمبر تک روزانہ پروگرام منعقد ہونگے۔
پیپلز پارٹی کے مطابق بلاول ہاؤس لاہور میں یکم دسمبر کو بلوچستان کا کنونشن ہوگا، دو دسمبر کو جنوبی پنجاب، تین دسمبر کو خیبر پختونخواہ، چار دسمبر کو سندھ، پانچ دسمبر، گلگت بلتستان و آزاد کشمیر،چھ دسمبرکووسطی پنجاب کے کنونشن ہونگے۔
کنونشن پروگرام روزانہ دوپہر کے کھانے سے شروع ہوگا، بلاول بھٹو روزانہ دو بجےاپنی تقریر سے کنونشن کا آغاز کرینگے، چار بجےتک کارکنوں سے مذاکرہ ہوگا، چار سے چھ بجے تک تنظیمی معاملات زیر بحث لائے جائیں گے۔
جیالے شام چھ بجے سے آٹھ بجے تک موسیقی اور شعر و شاعری کے پروگرام سے لطف اندوز ہونگے۔
خیال رہے کہ اس سے قبل چیئرمین پیپلزپارٹی بلاول بھٹو زرداری کا ٹوئٹ ہم سب بھٹوہیں ، پارٹی کا 49واں تاسیس 30نومبر سے 6دسمبر تک منایا جائیگا۔
Hum Sub, #Bhutto hain! #NewPPP #49th foundation anniversary. #Lahore #2016 @ Lahore, Pakistan https://t.co/OWKm7ouzT6
— BilawalBhuttoZardari (@BBhuttoZardari) November 27, 2016