The news is by your side.

وزیر خارجہ بلاول زرداری کی صدر مملکت کو دھمکی

وزیر خارجہ بلاول بھٹو زرداری نے صدر مملکت کو دھمکی دی ہے اور کہا ہے کہ اہم تعیناتی میں گڑ بڑی کی کوشش کی تو نتائج بھگتنا ہوں گے۔

اے آر وائی نیوز کے مطابق وزیر خارجہ بلاول بھٹو زرداری نے گزشتہ روز اسلام آباد میں پریس کانفرنس کرتے ہوئے صدر مملکت ڈاکٹر عارف علوی کو واضح الفاظوں میں دھمکی دیتے ہوئے کہا ہے کہ صدر علوی کے پاس آخری موقع ہے، اگر انہوں نے اہم تعیناتی میں گڑبڑ کرنے کی کوشش کی تو انہیں نتائج بھگتنا ہوں گے۔

بلاول بھٹو کا کہنا تھا کہ انا پرست شخص کا مقصد اہم تعیناتی متنازع بنانا ہے۔ اگر ایسا نہیں تو اسی ہفتے پنڈی پہنچنے کا مقصد کیا ہے۔

وزیر خارجہ نے مزید کہا کہ عدم اعتماد کے وقت دی جانے والی فوری انتخابات یا مارشل لاء کی دھمکی اب پھر دی جا رہی ہے۔ عمران اور طاقتور کو کہہ دوں کہ یہ کھیل اب بند کرو۔

Comments

یہ بھی پڑھیں