The news is by your side.

Advertisement

ن لیگ اور پی ٹی آئی نے دہشت گردوں سے مل کر ہم پر حملے کیے، بلاول بھٹو

لاہور :  پیپلز پارٹی کے چیئرمین بلاول بھٹو زرداری کا کہنا ہے کہ عوام کے پاس پاکستان پیپلزپارٹی ایک واحد آپشن ہے ، ن لیگ اور پی ٹی آئی نے کالعدم تنظیموں سے تعلقات بنائے اور دہشت گردوں سے مل کر ہم پر حملے کیے۔

تفصیلات کے مطابق لاہور میں پیپلز پارٹی کے چیئرمین بلاول بھٹو زرداری نے پریس کانفرنس کرتے ہوئے کہا کہ عوام کے پاس پاکستان پیپلزپارٹی ایک واحد آپشن ہے، ن لیگ اور پی ٹی آئی نے کالعدم تنظیموں سے تعلقات بنائے اور دونوں جماعتوں نے دہشت گردوں سے مل کر ہم پر حملے کیے۔

بلاول بھٹو کا کہنا تھا کہ ہماری توجہ صرف اس پر ہے، عوام کو کیا پیغام دے رہے ہیں، جی ٹی روڈ پر سفرکرنے کے بعد واپس کراچی جارہا ہوں، عوام کی جانب سے انتخابی مہم کے دوران بھرپور جواب دیا گیا۔

پی پی چیئرمین نے کہا پاکستان میں مثبت اورایشوز کی سیاست کی جاسکتی ہے، نفرت انگیز اور گالم گلوچ کی سیاست سے شاید فائدہ ہو لیکن ملک کا نقصان ہوگا۔

ان کا کہنا تھا کہ الیکشن جیتیں یا ہاریں ہم نے عوام میں ایک امید پیدا کی ہے، ہمیں مثبت سوچ کے ساتھ آگے بڑھنا ہے، ملک کو ترقی دینی ہے۔

بلاول بھٹو نے کہا کہ مسلم لیگ ن کی ایک تاریخ رہی ہے، سلیکشن کراتے ہیں، پنجاب میں پیپلزپارٹی کا راستہ روکنے کی کوشش کی جارہی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں