The news is by your side.

Advertisement

بلاول بھٹو کی قیادت میں پیپلزپارٹی کا کاروان بھٹو اپنی منزل لاڑکانہ پہنچ گیا

لاڑکانہ: بلاول بھٹو کی قیادت میں پیپلزپارٹی کا کاروان بھٹو اپنی منزل لاڑکانہ پہنچ گیا، بلاول بھٹو کے لاڑکانہ پہنچنے پر کارکنان کی جانب سے شاندار استقبال کیاگیا۔

تفصیلات کے مطابق بلاول بھٹو کا کاروان 40 گھنٹے سے زائد وقت میں کراچی سے لاڑکانہ پہنچا، اس موقع پر بلاول بھٹو نے کارکنان سے خطاب بھی کیا۔

انہوں نے کہا کہ گھرپہنچ گیاہوں، آپ سب کا شکرگزار ہوں، 4اپریل کو قائد عوام کا40واں یوم شہادت ہے، اس دن ذوالفقارعلی بھٹو کو خراج عقیدت پیش کریں گے، قائدعوام نے شہادت قبول کی، عوام کو دھوکا نہیں دیا، احتساب کے نام پر انتقام قبول نہیں کریں گے۔

بلاول بھٹوکا کہنا تھا کہ پنجاب میں پیپلزپارٹی کا راستہ روکا گیا، پیپلزپارٹی کو پشاور میں انتخابی مہم چلانے نہیں دی گئی،ب پیپلزپارٹی کا راستہ روکنے کیلئے سارے ہتھکنڈے استعمال کئے گئے، پارٹی کے وفاداروں کو نااہل کیا گیا، پی پی سمجھتی ہے جمہوریت میں انصاف ہوتا ہے۔

چیئرمین پی پی نے کہا کہ آغاسراج کے گھر پر حملہ کیا گیا، بیوی، بچوں کو یرغمال بنایا گیا، پیپلزپارٹی کو احتساب سے اعتراض نہیں، نیب گردی سے اعتراض ہے، قائم علی شاہ جیسے شریف آدمی کو بھی نیب بلا رہا ہے، قائم علی شاہ کو نیب تنگ کر رہا ہے۔

ان کا کہنا تھا کہ 1973 کا آئین ذوالفقار علی بھٹو کا دیا ہوا ہے، ذوالفقار علی بھٹو کے دیئے گئے آئین پر آنچ نہیں آنے دیں گے، یہ صوبے کے اختیارت چھیننا چاہتے ہیں، کسان، مزدور کا معاشی قتل ہو رہا ہے، احتساب سے جمہوریت مضبوط ہوتی ہے، احتساب کے نام پر سیاسی انتقام قبول نہیں۔

ان کا مزید کہنا تھا کہ مجھ سے وہ سوال کیے جارہے ہیں جب میں ایک سال کا تھا، سازش کے تحت بینظیر کا راستہ روکنے کیلئے نیب کے کیسز بنائے گئے، نیب سے نہیں ڈٖرتے، کسی کا خوف نہیں ہے، پہلے بھی نیب کاسامنا کیا ہے، کرپشن ختم کرنے کیلئے انتقام نہیں، بلاامتیاز احتساب کا نظام ہونا چاہیے۔

Comments

comments

یہ بھی پڑھیں