The news is by your side.

Advertisement

اساتذہ کے احتجاج پر آنسو گیس کا استعمال، بلاول بھٹو کی اپنی ہی حکومت پر کڑی تنقید

کراچی: پاکستان پیپلزپارٹی کے چیئرمین بلاول بھٹو نے اساتذہ کے احتجاج پرآنسو گیس کے استعمال کی شدید مذمت کی ہے.

تفصیلات کے مطابق بلاول بھٹو زرداری اپنی ہی حکومت پر برس پڑے، پرامن مظاہرین کے خلاف آنسو گیس کے استعمال کو ناقابل برداشت قرار دے دیا.

بلاول بھٹو زرداری نے اپنے بیان میں کہا کہ پرامن احتجاج کرنا ہر شہری کا حق ہے، پیپلز پارٹی نے ہمیشہ عوام کے حقوق کیلئےجدوجہد کی.

پیپلز پارٹی کے چیئرمین نے کہا کہ اساتذہ کےاحتجاج کے ساتھ مہذب برتاؤ بھی اختیارکیا جا سکتا تھا، گرفتار اساتذہ کو فی الفور رہا کیا جائے.

مزید پڑھیں:پریس کلب پر احتجاج کرتے اساتذہ کی ریڈ زون میں داخلے کی کوشش، آنسو گیس کی شیلنگ

یاد رہے کہ آج سندھ کے سرکاری اسکولوں کے ٹیچرزٹائم اسکیل، مستقلی اور پروموشن کے لئے احتجاج کر رہے تھے. پریس کلب کے باہر احتجاج کرتے اساتذہ نے جب ریڈ زون میں داخل ہونے کی کوشش کی، تو پولیس نے مظاہرین کو منتشرکرنے کے لیے آنسو گیس کی شیلنگ شروع کردی۔

اساتذہ پرکئی پولیس والوں نے ڈنڈے برسائے، کسی کو گریبان سے پکڑکرگھسیٹا، توکوئی لاٹھیوں کی زد میں آیا، علاقہ میدان جنگ بن گیا.

واقعے کے چالیس سے زائد اساتذہ کو حراست میں لیا گیا، متعدد زخمی افراد زخمی ہوئے۔

Comments

comments

یہ بھی پڑھیں