site
stats
پاکستان

جمہوریت کو نواز شریف سے خطرہ ہے، بلاول بھٹو

bilawal

لاہور: پاکستان پیپلزپارٹی کے چیئرمین بلاول بھٹو زرداری نے کہا ہے کہ جمہوریت کو نواز شریف سے خطرہ ہے، پیپلزپارٹی نے جمہوریت کے لیے بے مثال قربانیاں دی ہیں۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، بلاول بھٹو نے کہا کہ جمہوریت کے خلاف ہر سازش میں نواز شریف پیش پیش ہوتے تھے، میاں صاحب صرف اپنا فائدہ دیکھتے ہیں انہیں جمہوریت کی کوئی پرواہ نہیں ہے۔

انہوں نے کہا کہ آصف زرداری کا نواز شریف سے ملاقات کا کوئی موڈ نہیں، سابق وزیر اعظم ہمیشہ موقع پرست ثابت ہوئے ہیں، ان کو نظریے کے بارے میں علم ہی نہیں، وہ اس کے مطلب سے لاعلم ہیں۔

چیئرمین پیپلزپارٹی نے کہا کہ تمام سیاسی جماعتیں بشمول پی ٹی آئی نواز لیگ اور دیگرمتفق ہیں کہ ملک میں جمہوریت چلتی رہے، جمہوریت کے استحکام کے لیے تمام سیاستدانوں کو کردار ادا کرنا ہوگا، پیپلزپارٹی ہمیشہ جمہوریت کے ساتھ کھڑی رہی اور کھڑی رہے گی۔

بلاول بھٹو نے کہا کہ سویلین بالادستی سے متعلق پیپلزپارٹی کا آج بھی وہی موقف ہے، نواز شریف بھی سابق وزیر اعظم یوسف رضا گیلانی کی طرح عدالتی دل سے فیصلہ تسلیم کریں۔


یہ پڑھیں: میاں صاحب پہلے اپنا ماضی دیکھیں پھر ہم سے گلہ کریں، بلاول بھٹو


 انہوں نے مزید کہا کہ ہمیں امریکا اور بھارت کے بجائے پاکستان کے لیے سوچنا چاہئے اور اس کے لیے ہم عمران خان، نواز شریف سب کے ساتھ چلنے کو تیار ہیں اور امید کرتے ہیں کہ نواز شریف بھی جمہوریت کی قدر کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top