site
stats
پاکستان

نواز، مودی دوستی نے پاکستان کو نقصان پہنچایا، بلاول بھٹو

لاہور : پاکستان پیپلز پارٹی کے چیئرمین بلاول بھٹو نے کہا ہے کہ مودی پاکستان کو گالی دیتا ہے لیکن ہمارے مشیر خارجہ اس کا جواب تک نہیں دے سکے۔

وہ لاہور میں پیپلز پارٹی کے یوم تاسیس کی تقریبات کے سلسلے میں آزاد کشمیر سے آئے کارکنان اور رہنماؤں سے خطاب کر رہے تھے انہوں نے کہا کہ نواز مودی کی دوستی نے پاکستان کو نقصان پہنچایا۔

چیئرمین پیپلز پارٹی نے کہا کہ امریکا میں نیا صدر منتخب ہوا ہے،مودی پاکستان مخالف بیانات دے رہا ہے، صدر افغانستان مودی کی زبان بول رہے ہیں اور ان امور سے نمٹنے کے لیے ہمارے ملک میں کوئی مستقل وزیر خارجہ ہی نہیں ہے،یہی وجہ ہے کہ ہارٹ آف ایشیاء میں پاکستان موثر نمائندگی نہیں کرسکا مشیر خارجہ مودی کے نفرت آمیز بیانات کا جواب دینے کے بجائے ان سے ہاتھ ملاتے رہے۔


بلاول بھٹو نے کہا کہ ہم نے پہلے بھی کہا تھا کہ نواز شریف جارہے ہیں اور آج بھی کہتا ہوں کہ نواز شریف کے دور کا خاتمہ ہو گیا ہے اور پیپلز پارٹی کے دور کا آغاز ہوگیا ہے میں نے اگلے انتخابات کے جو نتائج بتائے ہیں اب اس سے بہت لوگ خوش نہیں ہیں۔

انہوں نے کہا کہ میں سندھ میں تبدیلی لے آیا ہوں اور آپ سب لوگوں کی مدد سے پورے ملک میں تبدیلی لاؤں گا اور حقیقی عوامی حکومت قائم کروں گا۔

بلاول بھٹو زرداری نے اپنی تقریر کے شروع میں جاگ پنجابی جاگ تیری پگ نوں لگ کی داغ کے مشہور نعرے میں نواز مخالف الفاظ شامل کر کے کارکنان سے لگوائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top