کارکنان نتائج کےاعلان تک بیلٹ پیپرزکی حفاظت کریں، بلاول بھٹو -
The news is by your side.

Advertisement

کارکنان نتائج کےاعلان تک بیلٹ پیپرزکی حفاظت کریں، بلاول بھٹو

لاہور: آزاد کشمیر کے انتخابات کے حوالے سے بلاول بھٹو زرداری نے اپنے کارکنان سے کہا ہے کہ وہ نتائج کےاعلان تک بیلٹ پیپرزکی حفاظت کریں۔

بلاول بھٹوزرداری اپنے بیان میں کہا کہ پیپلزپارٹی کاکسی جماعت سےانتخابی اتحاد نہیں ہے،نہ پیپلزپارٹی کی کسی جماعت سےسیٹ ایڈجسٹمنٹ ہوئی ہے، تمام پارٹی امیدوارتیرکےانتخابی نشان پرانتخابات لڑرہےہیں، پیپلزپارٹی ہی آزادکشمیر کی سب سےبڑی جماعت ہے۔

بلاول بھٹو کا کہنا ہے پیپلزپارٹی نے کشمیر کے تمام اکتالیس حلقوں پرامیدوار کھڑے کیےہیں، عوام اورکارکنان کسی پروپیگنڈے پر توجہ نہ دیں۔

بلاول بھٹو نے اپنے بیان میں پھر اس بات کو دھرایا کہ اگر آزاد کشمیرکے انتخابات میں دھاندلی اور تشدد ہوا تو نواز شریف دوہزار چودہ کا دھرنا بھول جائیں گے ۔

دوسری جانب کشمیریوں سے اظہار یکجہتی کے لیے یوم سیاہ پر وزیر ریلوے خواجہ سعد رفیق نے عمران خان اور بلاول پر بھی تنقید کی۔

وزیر ریلوے تقریر کرتے ہوئے جارحانہ انداز میں کہا کشمیر میں بھارت ظلم کے پہاڑ توڑ رہا ہے، اور توقع کرتا ہے کہ سینے پر گولیاں کھانے والے اسے گلدستہ پیش کریں۔

مقبوضہ کشمیر کی بات کرتے ہوئے وفاقی وزیر نے کپتان اوربلاول کو آڑے ہاتھوں لیا ان کا کہنا تھا کہ عمران خان کالوز ٹاک کرنا اور بلاول کا عمر سے پانچ گناہ بڑی باتیں کرنا اچھا نہیں لگتا۔

Comments

comments

یہ بھی پڑھیں