The news is by your side.

مستقبل میں امریکا کے ساتھ تعلقات کو نئی سمت میں لے جانا چاہتے ہیں، بلاول بھٹو

وزیر خارجہ بلاول بھٹو نے کہا ہے کہ پاکستان امریکا کے ساتھ بہتر تعلقات کا خواہاں ہے اور مستقبل میں ان تعلقات کو نئی سمت میں لے جانا چاہتے ہیں۔

اے آر وائی نیوز کے مطابق وزیر خارجہ بلاول بھٹو نے واشنگٹن میں فارن پالیسی کے ایڈیٹران چیف سے گفتگو کرتے ہوئے کہا کہ پاکستان کے تمام ادارے خود مختار ہیں، جمہوری حکومت ہمیشہ انسانی حقوق کی پاسداری اور میڈیا کی آزادی پر یقین رکھتی ہے، ہم جمہوری روایات پر یقین رکھتے ہیں اور کسی بھی غیر آئینی اقدام کی حمایت نہیں کریں گے، میرا تعلق ایک سیاسی خاندان سے ہے، میری والدہ نے جمہوریت کی خاطر جان کی قربانی دی۔

انہوں نے کہا کہ معیشت کی بحالی کیلئے سخت فیصلے کیے، موسمیاتی تبدیلیوں کےباعث خطے کے حالات تبدیل ہو رہے ہیں، سیلاب کے باعث پاکستان میں بڑے پیمانے پر تباہی ہوئی، سیلاب متاثرین کی بحالی کیلئے اقدامات کیے جا رہے ہیں، اقوام متحدہ کے جنرل سیکریٹری انتونیو گوتریس کے مشکور ہیں، عالمی برادری مصیبت کی اس گھڑی میں ہمارا ساتھ دے۔

بلاول بھٹو کا کہنا تھا کہ چین نےہمیشہ مشکل وقت میں پاکستان کی مدد کی ہے، ہمسایہ ممالک کے ساتھ اچھے تعلقات کے خواہاں ہیں، افغانستان میں جنگ سے ہمسایہ ملکوں کو نقصان ہوا، ہم پُر امن افغانستان چاہتے ہیں۔

Comments

یہ بھی پڑھیں