The news is by your side.

Advertisement

بلاول بھٹوکی قیادت میں حکومت مخالف ٹرین مارچ 26 مارچ کو کراچی سے شروع ہوگا

کراچی: حکومت مخالف ٹرین مارچ بلاول بھٹوکی قیادت میں 26 مارچ کو کراچی سے شروع ہوگا.

یہ فیصلہ چیئرمین پیپلزپارٹی بلاول بھٹو کی زیرصدارت کراچی میں‌ ہونے والے اہم اجلاس کیا گیا، اجلاس میں ٹرین مارچ کی تیاریوں اور دیگرامور کاجائزہ لیا گیا.

پیپلزپارٹی نے وفاقی حکومت کےخلاف احتجاجی ٹرین مارچ کی تیاریاں مکمل کر لیں، پیپلزپارٹی نے فیصلہ کیا ہے کہ ٹرین مارچ کا آغاز کراچی سے اور اختتام سرشاہنواز بھٹو ریلوے اسٹیشن پرہوگا.

وزارت ریلوے نے بھی بلاول بھٹو کے ٹرین مارچ کے لئے چار ٹرین کی منظوری دی ہے، ٹرین مارچ 26مارچ کو کراچی سے شروع ہوگا.

پارٹی فیصلوں کے مطابق احتجاجی ٹرین 2 دن میں کراچی سے لاڑکانہ پہنچےگی، پی پی کی تمام اضلاع میں ٹرین مارچ کے لئے رہنماؤں اور کارکنان کوہدایات جاری کردیں.؎

مزید پڑھیں: میں حیران ہوں بلاول بھٹو نے بھارتی مؤقف بیان کیا: شیریں مزاری

بلاول بھٹو کی احتجاجی ٹرین مختلف اسٹیشنز پر مختصر قیام کرے گی، چیئرمین پیپلزپارٹی بلاول بھٹو مختلف اسٹیشنز پر کارکنان سےخطاب کریں گے.

خیال رہے کہ اس وقت پیپلزپارٹی اور پی ٹی آئی حکومت میں تعلقات سخت کشیدہ ہیں۔ ایک جانب جہاں بلاول حکومت کوآڑے ہاتھ لینے کا کوئی موقع جانے نہیں دیتے، وہیں پی ٹی آئی وزرا نے بھی بلاول بھٹو کو نشانے پر رکھا ہوا ہے۔

Comments

comments

یہ بھی پڑھیں