بلاول بھٹو نے نوری آباد میں پاور پلانٹ کا افتتاح کردیا -
The news is by your side.

Advertisement

بلاول بھٹو نے نوری آباد میں پاور پلانٹ کا افتتاح کردیا

کراچی : چیئرمین پیپلزپارٹی بلاول بھٹو زرداری آج نوری آباد میں 100 میگا واٹ کے پاورپلانٹ کا افتتاح کردیا۔

تفصیلات کے مطابق سندھ حکومت نے نوری آباد میں 100 میگاواٹ کا پاور پلانٹ تیارکرلیا ہے جس کا افتتاح آج پیپلزپارٹی کے چیئرمین بلاول بھٹو نے کیا اورنوری آباد پاورپلانٹ کے مختلف حصوں کا دورہ کیا، نوری آبادپہنچنے پر وزیراعلیٰ سندھ و دیگر نے بلاول بھٹو کا استقبال کیا۔

اس موقع پران کا کہنا تھا کہ نوری آباد پلانٹ سے 100میگا واٹ بجلی کے-الیکٹرک کو فراہم کی جائے گی جس کی وجہ سے کراچی کے عوام لوڈشیڈنگ سے نجات مل جائے گی۔

بلاول بھٹو نے کہا کہ نوری آباد پاور پلانٹ 13 ارب کی لاگت سے تیار کیا گیا ہے جب کہ نوری آباد سے کراچی تک لائن بچھانے میں 2 ارب روپے لاگت آئی جسے پاور پلانٹ پبلک پرائیویٹ پارٹنر شپ کے تحت تعمیر کیا گیا ہے۔

یاد رہے اس سے قبل سندھ نوری آباد پاور کمپنی اور سندھ ٹرانسمیشن اینڈ ڈسپیچ کمپنی کے اس پروجیکٹ کے لیے گیس کے حصول کا معاہدہ کئی ماہ سے زیرالتوا تھا۔

وزیراعلیٰ نے اپریل کے وسط میں اسمبلی کے اجلاس سے خطاب کے دوران آئین کے آرٹیکل 158کا حوالہ دیتے ہوئے سوئی سدرن گیس کمپنی کے صدر دفتر کو صوبائی حکومت کی تحویل میں لینے اور پنجاب کو گیس کی فراہمی بندکرنے کی دھمکی دی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں