site
stats
پاکستان

بلاول بھٹو نے سندھ میں آن لائن ایمبولینس سروس کا افتتاح کردیا

کراچی : پاکستان پیپلز پارٹی کے چیئرمین بلاول بھٹو نے سندھ میں آن لائن ایمبولینس سروس کا افتتاح کردیا۔

تفصیلات کے مطابق کراچی میں آن لائن ایمبولینس سروس کی افتتاحی تقرہب وزیر اعلیٰ ہاؤس میں ہوئی ،بلاول بھٹو نے سندھ میں آن لائن ایمبولینس سروس کا افتتاح کردیا، آن لائن ایمبولینس سروس کی شروعات ٹھٹھہ اور سجاول میں ہوگی۔

bilawal-post-2

ابتدائی طور پر 20 ایمبولینس آج فراہم کی جائیں گی، ٹھٹہ اور بدین اضلاع کو 100 ایمبولینس فراہم کی جائیں گے، ایمبولینسز سروسز پرآنے والےاخراجات سندھ حکومت برداشت کرے گی۔

ایمبولینس سروس کی نگرانی کیلئے ضلعی سطح پر مانیٹرنگ روم قائم کیا جائے گا جبکہ کنٹرول روم بھی قائم کیے جائیں گی۔

bilawal-post-1


مزید پڑھیں : سندھ حکومت کا آن لائن ایمبولینس سروسز شروع کرنے کا اعلان


یاد رہے کہ صوبائی وزیرصحت سکندرمیندھرو کا کہنا تھا کہ سندھ حکومت نے آن لائن ایمبولینس سروسز شروع کرنے کا اعلان کیا ہے، پہلےمرحلےمیں ٹھٹھہ، سجاول میں آن لائن ایمبولینس سروس کا آغاز ہوگا، منصوبے کو کشمور سے کراچی تک پھیلایا جائے گا۔

وزیرصحت نے کہا کہ 23 فروری کو منصوبے کا وزیراعلیٰ ہاؤس میں افتتاح کیا جائے گا، ہر ضلع کے اسپتال میں کنٹرول روم قائم کیا جائے گا، کنٹرول روم کے لئے ٹاورز نصب کئے جارہے ہیں، ٹریکر کے ذریعے ایمبولینس کی نقل وحرکت پر نظر رکھی جائے گی۔

صوبائی وزیرصحت نے بتایا کہ آن لائن ایمبولینس سروسز کا نمبر1036ہوگا اور 15 منٹ کے اندر ایمبولینس جائے حادثہ پر پہنچ جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top