The news is by your side.

Advertisement

قوم اور پاک افواج ملکی دفاع کے لئے اکٹھے ہیں، بلاول بھٹو زرداری

لاہور : پیپلز پارٹی کے چیئرمین بلاول بھٹو زرداری نے کہا ہے کہ ملکی دفاع ناقابل تسخیر بن چکا ہے۔ دشمن جان لے کہ قوم اور فوج ملکی دفاع کے لئے اکٹھے ہیں۔

بلاول ہاؤس لاہور میں یوم دفاع کے حوالے سے تقریب کا انعقاد کیا گیا۔بلاول بھٹو زرداری نے بلاول ہاؤس میں پرچم کشائی کی۔

اس موقع پر بختاور بھٹو زرداری، منظور وٹو اور دیگر رہنما بھی موجود تھے۔ پرچم کشائی کے بعد پیپلز پارٹی کے چیئرمین بلاول بھٹو زرداری کا کہنا تھا کہ پاکستان میں دشمن نے مکاری سے امن و امان خراب کیا۔

افواج پاکستان نے تیرہ سال کی جدوجہد کے بعد اب دہشت گردی پر قابو پانا شروع کردیا ہےوہ دن دور نہیں جب پاکستان مکمل طور پر امن کا گہوارہ بن جائے گا۔

انہوں نے کہا کہ سیاسی قوتیں ملکی دفاع کے لیے فوج کے پیچھے ہیں۔۔پیپلز پارٹی کے چیئرمین کا کہنا تھا کہ پیپلز پارٹی نے ملک کو ایٹمی قوت بنایا اور میزائل ٹیکنالوجی دی پیپلز پارٹی کے یہ احسانات قوم کبھی نہیں بھلا سکتی۔

Print Friendly, PDF & Email

Comments

comments

یہ بھی پڑھیں