site
stats
پاکستان

چھوڑ کر جانے والوں سے متعلق پریشانی نہیں، جیالے میرے ساتھ ہیں، بلاول

لاہور: پیپلز پارٹی کے چیئرمین بلاول بھٹو نے کہا ہے کہ تاریخ شاہد ہے کہ شریف خاندان کا کبھی احتساب نہیں ہوا، دیکھتے ہیں ان کا احتساب ہوتا ہے کہ نہیں، پارٹی چھوڑنے والوں سے متعلق کوئی پریشانی نہیں، جیالے میرے ساتھ ہیں۔

لاہور میں صحافیوں سے غیر رسمی گفت گو کرتے ہوئے انہوں نے کہا کہ پاناماکیس اور جے آئی ٹی کی کارروائی قانون کی حکمرانی کا بھی امتحان ہے،نوازشریف نے پچھلے 5 سال قانون کی بالادستی پر بہت بات کی،دیکھتے ہیں تخت رائے ونڈ کا احتساب ہوتا ہے یا نہیں۔

انہوں نے کہا کہ تاریخ شاہد ہے کہ شریف خاندان کا کبھی احتساب نہیں ہوا، جے آئی ٹی میں جنہیں بلایا گیا ان کا سیاست سے کوئی تعلق نہیں، پاناما کیس میں جو بھی ہو قانون کے مطابق ہونا چاہیے۔

پیپلز پارٹی پنجاب کے متعدد رہنماؤں کی پے درپے پی ٹی آئی میں شمولیت سے متعلق انہوں نے کہا کہ پارٹی چھوڑ کر جانے والوں کی پریشانی نہیں، جیالے میرے ساتھ ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top