The news is by your side.

Advertisement

جمہوریت مخالف لوگ متحد ہو رہے ہیں: بلاول بھٹو

نواب شاہ: پاکستان پیپلز پارٹی کے چیئرمین بلاول بھٹو زرداری کا کہنا ہے کہ عوام کٹھ پتلی جماعتوں کے ساتھ نہیں، جمہوری جماعت کے ساتھ ہیں۔ جو لوگ جمہوریت نہیں چاہتے وہ سب متحد ہو رہے ہیں۔

تفصیلات کے مطابق پاکستان پیپلز پارٹی کے چیئرمین بلاول بھٹو نے اپنی انتخابی مہم کے تیسرے روز نواب شاہ کا رخ کیا۔

اس موقع پر ان کا کہنا تھا کہ عوام کی محبت مل رہی ہے گفتگو سے اظہار نہیں کر سکتا۔ جگہ جگہ روک کر ہمارا والہانہ استقبال کیا جا رہا ہے۔ کراچی سے یہاں تک جوش و جذبے سے ہمارا استقبال کیا گیا۔

انہوں نے کہا کہ عوام کٹھ پتلی جماعتوں کے ساتھ نہیں، جمہوری جماعت کے ساتھ ہیں۔ آج ہم پر امن انتخابات کی طرف جا رہے ہیں یہ بڑی کامیابی ہے۔ جو لوگ جمہوریت نہیں چاہتے وہ سب متحد ہو رہے ہیں۔

بلاول کا کہنا تھا کہ جمہوریت کے آگے بڑھنے سے بہت سے لوگوں کو تکلیف ہو رہی ہے۔ ’ن لیگ کو پہلے بھی کہا تھا الیکشن لڑیں بائیکاٹ نہ کریں، انہیں شکست نظر آرہی ہے لیکن اس کا مطلب یہ نہیں کہ بائیکاٹ کرے‘۔

انہوں نے کہا کہ یہ جمہوریت کا صلہ ہے دوسری جمہوری حکومت اقتدار منتقل کر رہی ہے۔

انہوں نے کہا کہ پاکستان میں پانی کا مسئلہ سب سے پہلے پیپلز پارٹی نے اٹھایا تھا۔ پانی کا مسئلہ حل کرنے کے لیے شہید بی بی نے محنت کی تھی۔ وفاق اور دیگر صوبوں نے پانی کے مسائل حل کرنے پر توجہ نہیں دی۔ ہم نے 2 ہزار پلانٹس لگائے جن سے کھارا پانی میٹھا کیا جاتا ہے۔

بلاول کا کہنا تھا کہ بھارت کے پانی روکنے سے متعلق پاکستان کا واضح مؤقف ہے۔ دنیا میں ایسا کہیں نہیں ہوا جہاں جوڈیشل برانچ نے کوئی ڈیم بنایا ہو۔

بلاول نے مزید کہا کہ آج ایم کیو ایم کی پوزیشن سے سب واقف ہیں۔ کٹھ پتلی اتحاد میں بیٹھی جماعتوں سے بھی سب واقف ہیں۔ تحریک انصاف کا شدت پسندی سے متعلق مؤقف سب کے سامنے ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں