The news is by your side.

Advertisement

سندھ کی تقسیم کی بات کرنے والوں کو عوام مسترد کردیں گے: بلاول بھٹو

سکھر: پاکستان پیپلز پارٹی کے چیئرمین بلاول بھٹو کا کہنا ہے کہ سندھ کی تقسیم کی بات کرنے والوں کو عوام مسترد کردیں گے، کٹھ پتلی الائنس کی کوئی حیثیت نہیں، لیاری میں گھیراؤ کی سازش کرنے والے ناکام ہوگئے۔

تفصیلات کے مطابق پاکستان پیپلز پارٹی کے چیئرمین بلاول بھٹو کی انتخابی مہم جاری ہے۔ آج سندھ کے شہر سکھر کے دورے کے موقع پر کارکنوں سے خطاب کرتے ہوئے انہوں نے کہا کہ جمہوریت کو تحفظ دینا ہم سب کی ذمہ داری ہے۔

انہوں نے کہا کہ آج انسانی حقوق اور سیاسی آزادی خطرے میں ہے۔ مطالبہ ہے تمام فیصلے عوام پر چھوڑیں، الیکشن شفاف منعقد کیے جائیں۔

بلاول کا کہنا تھا کہ ہم نے جس سیاسی آزادی کے لیے قربانی دی وہ آج خطرے میں ہے، ہمارے امیدواروں کو دھمکیاں برداشت نہیں کریں گے۔ ہر الیکشن میں پیپلز پارٹی کے خلاف کٹھ پتلی اتحاد اور جماعتوں کی مدد کی گئی۔

پی پی چیئرمین نے کہا کہ پارلیمنٹ میں آکر اداروں کو مضبوط کروں گا، جمہوریت کے بغیر مسائل حل نہیں ہوسکتے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں