The news is by your side.

Advertisement

پیپلزپارٹی کو کبھی ختم نہیں کیا جا سکتا، بلاول بھٹو زرداری

کراچی : پاکستان پیپلز پارٹی کے چیئرمین بلاول بھٹو زرداری نے کہا ہے کہ پیپلزپارٹی کو کبھی ختم نہیں کیا جا سکتا ، وہ اقلیتوںکے قومی دن کے موقع پر پر بلاول ہاؤس کراچی میں اقلیتی برادری کے اعزاز میں تقریب سے خطاب کر رہے تھے۔

انہوں نے کہا کہ انہوں نے پیپلزپارٹی کا جھنڈا اٹھا لیا ہے، پاکستان میں بسنے والا ہر شخص پاکستانی ہے۔ پیپلز پارٹی کا نظریہ کل بھی مضبوط تھا اور آج بھی رہے گا۔

بلاول بھٹو کا کہنا تھاکہ پیپلزپارٹی کی حکومت میں گیارہ اگست کو اقلیتیوں کا قومی دن قرار دیا گیا، ان کا کہنا تھا کہ قائد اعظم نے کہا تھا کہ پاکستان میں اقلیتوں کو اپنی مرضی کی زندگی گزارنے کی اجازت ہو گی۔

بلاول بھٹو زرداری نے کہا پیپلز پارٹی ہر سازش کو کچلنے کی طاقت رکھتی ہے اور حالات سخت سے سخت ہو جائیں لیکن نظریہ نہیں بدلے گا۔

احمقوں کو بتانا چاہتا ہوں کہ پیپلز پارٹی ختم ہوئی نہ ہو سکتی ہے۔ بلاول بھٹو نے کہا کہ اسٹیبلشمنٹ نے عوام کو حقوق دینے کی سزا موت لکھ دی ہے ، پیپلزپارٹی کو سلمان تاثیر اور شہباز بھٹی کی لاشوں کا تحفہ دیا گیا۔

Comments

comments

یہ بھی پڑھیں