The news is by your side.

Advertisement

دیگر جماعتیں گالم گلوچ کی سیاست کر رہی ہیں، نواز شریف سیاسی شہید نہ بنیں: بلاول بھٹو

کراچی:‌ پاکستان پیپلزپارٹی کے چیئرمین بلاول بھٹو زرداری نے کہا ہے کہ دیگر جماعتیں آج کل گالم گلوچ کی سیاست کررہی ہیں، ہمیں نوجوانوں کو مثبت سیاسی کلچر دینا ہے.

ان خیالات کا اظہار انھوں‌ نے کراچی میں‌ آن لائن ممبر شپ مہم کا باضابطہ اعلان کرتے ہوئے کیا.

ان کا کہنا تھا کہ میں اکیلا کچھ نہیں کرسکتا عوام کو دعوت دیتا ہوں، کارکنان کا ڈیٹا جمع کرنے کیے لئے ویب سائٹ تیار کرلی ہے، جس کے مثبت نتائج آئیں گے۔

انھوں‌ نے پولیس مقابلوں‌ کی شدید مذمت کرتے ہوئے کہا کہ صرف سندھ نہیں، پورے ملک میں ان کاؤنٹرز کی مذمت کرتا ہوں، پولیس مقابلوں‌ پر پابندی لگنی چاہیے. وزیراعلیٰ سندھ نے فوری ایکشن لیا، تحقیقات میں راؤ انوار کو بھی دفاع کا حق ملنا چاہیے ، کسی کو مار کر دہشت گردی کو ختم نہیں کیاجاسکتا۔

ن لیگ نے سی پیک پر قبضہ کر لیا ہے: بلاول بھٹو

انھوں‌ نے کہا کہ ہم چاہتے تھے، نوازشریف سیاسی شہید نہ بنیں، نہ ہی ہم ایسا ہونے دیں، آصف زرداری شیروں کے شکاری ہیں، 2018 میں یہ بات سب کے سامنے آجائی گا، نوازشریف نے چھوٹے بھائی کونامزد کیا، میں سمجھتا ہوں کہ اب وہ وزیراعظم نہیں بنیں گے.

بلاول بھٹو زرداری کا کہنا تھا کہ پچھلے پانچ برس میں این ایف سی ایوارڈ نہیں دیا گیا، سینیٹ کے انتخابات وقت پر ہونے چاہئیں اور ہوں گے، پیپلز پارٹی پرامن پاکستان چاہتی ہے، ہمارے پاس ہتھیار نہیں، مگر ہم اپنے حقوق کے لئے آواز اٹھاتے رہے ہیں.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں