کراچی : چئیرمین پیپلزپارٹی بلاول بھٹو ک کہنا ہے کہ خواتین پر حملہ کرنے والوں کونشان عبرت بنایاجائے۔

تفصیلات کے مطابق چئیرمین پیپلزپارٹی بلاول بھٹو نے کراچی میں خواتین پر حملہ کرنے والوں کونشان عبرت بنانے کی ہدایت کرتے ہوئے کہا ہے کہ ماؤں اوربہنوں پر حملے کرنے والے رعایت کے مستحق نہیں۔

بلاول بھٹو نے کہا کہ پیپلزپارٹی معصوم خواتین پر حملے برداشت نہیں کرے گی ۔

چئیرمین پیپلزپارٹی نے خواتین پر حملوں کے پے درپے واقعات کانوٹس لیتے ہوئے وزیراعلی سندھ سے رپورٹ طلب کرلی ہے اور کہا کہ ملزم کو فوری گرفتار کیا جائے۔

دوسری جانب کراچی خواتین پر حملوں میں تیزی آنے پر وزیراعلی سندھ مراد علی شاہ آئی جی اےڈی خواجہ پر برس پڑے، مرادعلی شاہ نے اے ڈی خواجہ سے رابطہ کیا اور پوچھا یہ کیا ہو رہا ہے، کیا حملہ آور نے سلیمانی ٹوپی پہن رکھی ہے، جو پولیس کونظر نہیں آرہا؟

وزیراعلیٰ سندھ نے حملہ آور کی فوری گرفتاری کا حکم دیتے ہوئے کہا اس طرح تو فلموں میں ہوتا ہے، کوئی مجرم ہیلمٹ پہن کر چھرے سے حملہ کرے اور نکل جائے۔

ایم کیوایم پاکستان نے خواتین پر حملوں کیخلاف احتجاج کا اعلان کردیا ہے۔

مزید پڑھیں : کراچی، چاقو بردار ملزم سرگرم، تین گھنٹے کے دوران پانچ خواتین پر وار

یاد رہے کہ گذشتہ ملزم نے چند گھنٹوں کے دوران گلشن ٹاؤن میں پانچ خواتین کو چُھرے مار کر خوف پھیلادیا، پولیس نے متعدد علاقو ں میں چھاپہ مار کاروائی کے بعد متعدد مشتبہ افراد کو حراست میں لے لیا ہے۔

واقعات گلشن جمال، نیپا،یونیورسٹی روڈ، گلشن چورنگی اور ویلفیئرسوسائٹی میں پیش آئے۔

پے درپےحملوں کے بعد کراچی کی خواتین عدم تحفظ کا شکار ہیں، پولیس روایتی تفتیش سےآگے نہ بڑھ سکی، متاثرہ خواتین کے بیانات قلمبند کئے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔