پاکستان پیپلز پارٹی کے چیئرمین اور وزیر خارجہ بلاول بھٹو زرداری کے ایک بار پھر کراچی میں اپنا میئر لانے کا دعویٰ کر دیا ہے۔
چیئرمین پی پی پی بلاول بھٹو نے اے آر وائی نیوز سے غیر رسمی مختصر گفتگو کرتے ہوئے کہا کہ کراچی کا میئر پیپلز پارٹی کا ہی ہوگا اور اس کے نام کا اعلان جلد کیا جائے گا۔
بلاول بھٹﷺ نے مزید کہا کہ میں چاہتا ہوں کہ کراچی دنیا کے ترقی یافتہ ممالک کی فہرست میں شامل ہو، اس لیے طے کیا ہے ایسا میئر بنائیں جو شہر کو ترقی کی راہ پر گامزن کرسکے۔
واضح رہے کہ کراچی میں گزشتہ ماہ 15 جنوری کو ہونے والے بلدیاتی انتخابات کے نتائج کے مطابق کوئی بھی سیاسی جماعت اپنا میئر لانے کے لیے سادہ اکثریت حاصل نہیں کرسکی ہے۔
یہ بھی پڑھیں: کراچی بلدیاتی انتخابات کے نتائج مکمل
کراچی سے پیپلز پارٹی نے 93 نشستیں حاصل کرکے پہلی پوزیشن حاصل کر رکھی ہے۔ جماعت اسلامی 86 نشستوں کے ساتھ دوسرے نمبر پر ہے جب کہ پی ٹی آئی نے 40 نشستیں حاصل کر رکھی ہیں۔
