چئیرمین پیپلز پارٹی بلاول بھٹو کا کہنا ہے کہ وزیر اعظم کی وجہ سے بہت سے لوگوں کا پارلیمنٹ پر سے اعتماد ختم ہوگیا۔ اپوزیشن لیڈر خورشید شاہ کہتے ہیں کہ سیاستدان کا ایک ایک لفظ اہمیت کا حامل ہے۔
پاکستان تحریک انصاف کی پارلیمنٹ میں واپسی پر بلاول بھٹو بول پڑے۔ ان کا کہنا ہے کہ تحریک انصاف کے یوٹرن اپنی جگہ لیکن مثبت فیصلوں کو سراہا جانا چاہیئے۔
سماجی رابطوں کی ویب سائٹ ٹوئٹر پر ٹوئٹ کرتے ہوئے بلاول بھٹو زرداری نے کہا کہ یو ٹرن پر سب سے پہلے تنقید کی لیکن پارلیمنٹ میں کسی کی بھی واپسی کو خوش آمدید کہنا چاہیئے۔
While I’m the first to criticize u-turns. Must welcome anyone’s decision to return to parliament. PM has made many lose faith in parliament.
— BilawalBhuttoZardari (@BBhuttoZardari) December 14, 2016
انہوں نے کہا کہ وزیر اعظم کی وجہ سے بہت سے لوگوں کا پارلیمنٹ پر سے اعتماد ختم ہوا۔
دوسری جانب اپوزیشن لیڈر خورشید شاہ کا کہنا ہے کہ بدتمیزی کی سیاست پر یقین نہیں رکھتے۔ سیاستدان کا ایک ایک لفظ اہمیت رکھتا ہے۔
خورشید شاہ نے مزید کہا کہ سیاستدان اگر کسی کو برا بھلا کہتا ہے تو اس کا اپنا کردار خراب ہوتا ہے۔
