The news is by your side.

Advertisement

انتہا پسندوں کو تعلیم سے ہی شکست دی جاسکتی ہے: بلاول بھٹو

کراچی: چیئرمین پیپلز پارٹی بلاول بھٹو زرداری کہتے ہیں کہ ہم انتہا پسند سوچ کے خلاف کام کر رہے ہیں۔ اسلام ہمیں امن و محبت کا پیغام دیتا ہے۔ بقائے باہمی کے اصول کے مطابق تمام مذاہب کا احترام لازم ہے۔

تفصیلات کے مطابق چیئرمین پیپلز پارٹی بلاول بھٹو کراچی سندھ مدرستہ الاسلام پہنچے۔ بلاول بھٹو زرداری نے یونیورسٹی کے مختلف حصوں کا دورہ کیا۔

انہوں نے اساتذہ اور طلبا سے خطاب کرتے ہوئے کہا کہ تبدیلی کے لیے علم مؤثر ہتھیار ہے۔ ہم انتہا پسند سوچ کے خلاف کام کر رہے ہیں۔ اسلام ہمیں امن اور محبت کا پیغام دیتا ہے۔

بلاول کا کہنا تھا کہ پاکستان کو اس وقت انتہا پسندی کے حوالے سے مسائل کا سامنا ہے۔ بقائے باہمی کے اصولوں کے مطابق تمام مذاہب کا احترام لازم ہے۔ اساتذہ کو بلا تخصیص نوجوانوں کی کردار سازی میں اپنا حصہ ڈالنا ہوگا۔

اس موقع پر وزیر اعلیٰ سندھ مراد علی شاہ نے بھی طلبا سے خطاب کیا۔ انہوں نے کہا کہ اسلام امن اور پیار کا درس دیتا ہے۔ محترمہ بے نظیر بھٹو نے انتہا پسندوں کو للکارا۔ تعلیم سندھ حکومت کی اولین ترجیحات میں شامل ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں