site
stats
پاکستان

بلاول بھٹو کا اپنے بزرگوں کی طرح عوام کا ساتھ دینے کا اعلان

کراچی: پاکستان پیپلزپارٹی کے سربراہ بلاول بھٹو زرداری نے کہا ہے کہ وہ اپنی والدہ اورنانا کی طرح پاکستان کے عوام کے ساتھ کھڑے رہیں گے۔

بلاول بھٹو زرداری پیپلز پارٹی کے یومِ تاسیس پرکراچی کے علاقے ملیرمیں جلسے سے خطاب کررہے تھے اوران کا کہنا تھا کہ پیپلز پارٹی قومی اداروں کو بیچنے کی وفاقی حکومت کی پالیسی کی مخالفت کرتی رہے گی۔

انہوں نے یہ بھی کہا کہ ان کے نانا ذوالفقارعلی بھٹو نے یہ جماعت اس وقت میں قائم کی جب بھارت کو شکست دینے کے باوجود ملک کو فروخت کیا جارہا تھا۔ پیپلز پارٹی ملک کے غریب اور نوکری پیشہ عوام کے حقوق کے تحفظ کے لئے وجود میں آئی تھی۔

بلاول بھٹو کا کہنا تھا کہ سیاسی یتیم سن لیں پیپلز پارٹی کوئی اس کے نظریات سے نہیں ہٹا سکتا۔

بلاول کا کہنا تھا کہ پیپلز پارٹی دہشت گردی کے خلاف برسرِ پیکار ہے اور ملک میں آخری دہشت گرد کے خاتمے تک یہ جنگ جاری رکھے گی۔

ان کا کہنا تھا کہ اگر کوئی بھی پاکستان میں دہشت گردوں کی حمایت کرتا ہے تو وہ دہشت گردوں کا ساتھی ہے اور ملک کا غدارہے۔

ملیرمیں ہونے والے اس جلسے سےشیریں رحمان اورنثارکھوڑوسمیت کئی دیگررہنماؤں نے بھی خطاب کیا۔

جلسے میں آمد پرپیپلزپارٹی کے سربراہ بلاول بھٹو زرداری کا پرجوش استقبال کیا گیااورانہیں بلوچی پگڑی بھی پہنائی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top