The news is by your side.

Advertisement

سابق امریکی صدر بل کلنٹن آئی سی یو منتقل

کیلیفورنیا: سابق امریکی صدر بِل کلنٹن کی طبیعت بگڑنے پر انھیں آئی سی یو منتقل کیا گیا ہے۔

تفصیلات کے مطابق سابق صدر بل کلنٹن کو اس ہفتے کے شروع میں غیر کرونا انفیکشن کے لیے کیلیفورنیا کے اسپتال میں داخل کیا گیا تھا، وہ تاحال اسپتال میں ہیں اور انھیں آئی سی یو میں رکھا گیا ہے۔

جمعرات کو ان کے ایک معاون نے بتایا کہ بل کلنٹن کو یورولوجیکل (پیشاب کی نالی میں) انفیکشن ہونے کے بعد اسپتال میں داخل کیا گیا۔

کلنٹن کے ترجمان اینجل یورینا نے جمعرات کی شام ایک بیان میں کہا کہ منگل کی شام، صدر کلنٹن کو یو سی آئی میڈیکل سینٹر میں داخل کیا گیا تاکہ ان کے انفیکشن کا علاج کیا جا سکے، وہ اب بہتر حالت میں ہیں، اور انھوں نے ڈاکٹرز، نرسز اور دیگر عملے کا بہترین دیکھ بھال پر شکریہ ادا کیا ہے۔

یونیورسٹی آف کیلیفورنیا کے ارون میڈیکل سینٹر میں زیر علاج سابق صدر کا علاج کرنے والے ڈاکٹر کا کہنا ہے کہ 75 سالہ کلنٹن کو بنیادی طور پر پرائیویسی دینے کے لیے آئی سی یو میں رکھا گیا ہے۔

امریکی میڈیا رپورٹس کے مطابق سابق صدر کی ناساز طبیعت کا تعلق امراضِ قلب یا کرونا وائرس سے متعلق نہیں ہے۔

Comments

یہ بھی پڑھیں